នៅវេលាម៉ោង១៤និង៣០នាទី ថ្ងៃទី២៥ ខែកក្កដា ឆ្នាំ២០១៥​ មានអំពើហិង្សាមួយកើតឡើង នៅចំណុចមុខក្លឹបឌីយ៉ាម៉ង់ ស្ថិត​ក្នុង​ភូមិ3 ស/ក​ជ្រោយចង្វារ ខណ្ឌ​ជ្រោយចង្វារ កម្លាំងអាវុធហត្ថខណ្ឌជ្រោយចង្វារ បានឃាត់ខ្លួនជនសង្ស័យ២នាក់៖ 1-ឈ្មោះ ជិន សុផល ភេទប្រុស អាយុ19ឆ្នាំ ទីលំនៅស្នាក់នៅមណ្ឌល់កុមារកំព្រា ភូមិដើមគ ស/កជ្រោយចង្វារ ខណ្ឌជ្រោយចង្វារ 2-ឈ្មោះ សុះ ណាអីម ភេទប្រុស អាយុ17ឆ្នាំ មុខរបរនៅផ្ទះ ទីលំនៅភូមិ3 ស/កជ្រោយចង្វារ ខណ្ឌជ្រោយចង្វារ។ ដំណើរហេតុ៖ មុនពេល​កើត​ហេតុ​គេឃើញមានក្រុមក្មេងស្ទាវចំនួន៦ទៅ៧នាក់វាយទៅលើក្រុមម្ខាងទៀតមានគ្នា៤នាក់ នៅមុខក្លឹបឌីយ៉ាម៉ង់​ពេលនោះ​កម្លាំង អហ ដែល​ឈរជើងនៅទីនោះក៏ចូលទៅឃាត់ស្រាប់តែក្រុមមានគ្នាច្រើនបានស្ទុះមកវាយលើកម្លាំង អហ តែម្តង​នឹងបណ្តាល​ឲ្យ​របួស​២នាក់​ម្នាក់​ត្រូវ​ដៃ​និងម្នាក់ទៀតរបួសបែកក្បាលដេរ៦ថ្នេរ​ភ្លាមនោះកម្លាំង អហ បានឃាត់ខ្លួនជនបង្ករ​បាន២នាក់និងម៉ូតូមួយ​គ្រឿង​យកមក​រក្សា​ទុក​នៅ អហ ខណ្ឌជ្រោយចង្វារ ដើម្បីចាត់ការតាមនីតិវិធីបន្ត។