សៀមរាបៈ គ្រោះអគ្គិភ័យដ៏អាក្រក់មួយ ដែលបានឆាបឆេះ រោងលក់បន្លែ និងលក់កាហ្វេធ្វើអំពីដែកប្រកសង្ក័សី ទំហំ១៦×២០ ចំនួន០១ខ្នង ស្ថិតនៅចំណុចក្រោយផ្សារសាមគ្គី ភូមិបន្ទាយចាស់ សង្កាត់ស្លក្រាម ក្រុងសៀមរាប ខេត្តសៀមរាប នៅវេលាម៉ោង១០ និង០០នាទីព្រឹក ថ្ងៃទី២៤ ខែមេសា ឆ្នាំ២០១៧នេះ បានបង្កឲ្យមានការភ្ញាក់ផ្អើលយ៉ាងខ្លាំង ដល់ប្រជាពលរដ្ឋរស់នៅក្រុងសៀមរាប ។

អគ្គីភ័យនេះ មូលហេតុ បង្កឡើងដោយសារផ្ទុះធុងហ្គាស់។

ក្នុងករណីគ្រោះអគ្គីភ័យនេះផងដែរ ប្រជាពលរដ្ឋសង្កេតឃើញថា កម្លាំងកងរាជអាវុធហត្ថខេត្តសៀមរាប និងក្រុងសៀមរាប បានសហការចេញធ្វើប្រតិបត្តិការសង្គ្រោះ យ៉ាងអស់ពីកម្លាំងចិត្ត និងកម្លាំងកាយ ដើម្បីធ្វើអោយភ្លើង រលត់ជៀសវាង ការខូចខាតទ្រព្យសម្បត្តិជាបន្តបន្ទាប់។

ទាំងនេះ សបញ្ជាក់អោយឃើញពីការយកចិត្តទុកដាក់ ទៅលើសុខទុក្ខរបស់បងប្អូនប្រជាពលរដ្ឋ ពីកម្លាំងកងរាជអាវុធហត្ថ ជាក់ស្តែងដូចជាករណីខាងលើនេះផងដែរ។

(អត្ថបទៈ ម៉ាន់ ដាវីត)