អហ.បាត់ដំបង៖ នៅចំណុចភូមិត្រពាំងព្រលឹត ឃុំសន្តិភាព ស្រុកសំពៅលូន ខេត្ត បាត់ដំបង កាលពីវេលាម៉ោង១២និង០០នាទី ថ្ងៃទី២៥ ខែតុលា ឆ្នាំ២០១៥ កម្លាំងកងរាជអាវុធហត្ថបានបង្ក្រាបករណីជួញដូរគ្រឿងញៀន ដោយឃាត់ខ្លួនជនសង្ស័យចំនួន០៤នាក់។
ជនសង្ស័យទាំង០៤នាក់ដែលសមត្ថកិច្ចជំនាញធ្វើការឃាត់ខ្លួនបានមានឈ្មោះ 1/ឈ្មោះ សាន់ សាឡៃ ភេទស្រី អាយុ 35 ឆ្នាំ មុខរបរ កម្មករ ទីលំដូចកន្លែងកើតហេតុ។ 2/សុខ ភី ភេទប្រុស អាយុ18ឆ្នាំ មុខរបរធ្វើចម្ការទីលំនៅភូមិអូរ ឃុំពេជ្រចិន្ដា ស្រុកភ្នំព្រឹក ខេត្តបាត់ដំបង។
3/សឹង សេន ភេទប្រុស អាយុ32ឆ្នាំមុខរបរ រត់ម៉ូតូឌុបទីលំនៅភូមិ560ឃុំកំរៀង ស្រុកកំរៀង បាត់ដំបង។ 4/ចាន់ដាវីត ភេទប្រុស អាយុ15ឆ្នាំ កម្មករ ទីលំនៅដូចកន្លែងកើតហេតុ។
ក្រោយពីធ្វើការឃាត់ខ្លួនសមត្ថកិច្ចជំនាញបានចាប់ដកវត្ថុតាងមាន យ៉ាម៉ាគ្រាប់ពណ៌ស្លាទុំ ចំនួន 143គ្រាប់ ៕
