ភ្នំពេញៈ នៅព្រឹកថ្ងៃទី២៦ ខែឧសភា ឆ្នាំ២០១៧ នៅសាលប្រជុំ អគារសេនាធិការដ្ឋាន បញ្ជាការដ្ឋាន កងរាជអាវុធហត្ថលើផ្ទៃប្រទេស បានប្រារព្ធពិធីអប់រំផ្សព្វផ្សាយ នៃដំណើរការបោះឆ្នោត ក្រុមប្រឹក្សា ឃុំ សង្កាត់ អណត្តិទី៤ និងការយល់ដឹងអំពីគ្រោះថ្នាក់ បណ្តាលមកពីគ្រឿងញៀន ក្រោមអធិបតីភាព ឯកឧត្តម ឧត្តមសេនីយ៍ទោ ឌៀប វណ្ឌី នាយរងសេនាធិការ កងរាជអាវុធហត្ថលើផ្ទៃប្រទេស ទទួលបន្ទុកការងារ ទំនាក់ទំនងសាធារណៈ និងដោយមានការអញ្ជើញចូលរូមពីសំណាក់ ឯកឧត្តម ឧត្តមសេនីយ៍ ស្នងការរង នាយ នាយរងការិយាល័យ និងនាយ នាយរង កងរាជអាវុធហត្ថ ចំណុះផែនកសាងកម្លាំង ជាច្រើនរូបផងដែរ។