កណ្តាលៈ នៅវេលាម៉ោង១៤ និង០០នាទីរសៀល ថ្ងៃទី២៩ ខែឧសភា ឆ្នាំ២០១៧ មន្ត្រីកងរាជអាវុធហត្ថខេត្តកណ្តាល ដែលដឹកនាំដោយ លោកវរសេនីយ៍ឯក ច័ន្ទ សារ៉ាដែន មេបញ្ជាការរង កងរាជអាវុធហត្ថខេត្តកណ្តាល បានអញ្ជើញចុះសួរសុខទុក្ខ លោកអនុសេនីយ៏ឯក យន់ ឡី មេបញ្ជាការរង មូលដ្ឋានកងរាជអាវុធហត្ថស្រុកស្អាង ដែលកំពុងមានជំងឺ និងសម្រាកព្យាលបាលនៅមន្ទីរពេទ្រ។

ក្នុងនោះដែរ លោកវរសេនីយ៍ឯក ច័ន្ទ សារ៉ាដែន ក៏បាននាំយកជូននូវថវិកាចំនួន ៦.៧៥០.០០០រៀល(ប្រាំមួយលានប្រាំពីសែនប្រាំមុីនរៀល) ដែលបានមកពីការចូលរួមវិភាគទាន របស់ ឯកឧត្តម ឧត្តមសេនិយ៍ត្រី សំ តុលា មេបញ្ជាការ កងរាជអាវុធហត្ថខេត្តកណ្តាល និង នាយទាហាន នាយទាហានរង កងរាជអាវុធហត្ថខេត្តកណ្តាល ទៅជូនលោក អនុសេនីយ៏ឯក យន់ ឡី សម្រាប់ទុកដោះស្រាយ ទុក្ខលំបាកផងដែរ។

ទាំងនេះ សបញ្ជាក់អោយឃើញពីការយកចិត្តទុកដាក់ ទៅលើមន្ត្រីដែលនៅក្រោមឱវាត ដែលជាប្រសាសន៍ណែនាំ របស់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជា មេបញ្ជាការ កងរាជអាវុធហត្ថលើផ្ទៃប្រទេស ដែលតែងតែដាស់តឿន ក្រើនរំលឹកដល់ គ្រប់មន្ត្រីកងរាជអាវុធហត្ថ ដែលជាថ្នាក់លើ ត្រូវយកចិត្តទុកដាក់ ថែទាំង មន្ត្រីកងរាជអាវុធហត្ថដែលនៅក្រោមឱវាត របស់ខ្លួនអោយបានល្អ ជាពិសេស នៅពេលដែលពួកគាត់ជួបទុក្ខលំបាកផ្សេងៗ។

(អត្ថបទ ម៉ាន់ ដាវីត)