អហ.ខណ្ឌពោធិ៍សែនជ័យ៖ ថ្ងៃទី២៥ ខែតុលា ឆ្នាំ២០១៥ វេលាម៉ោង១១និង០០នាទីនៅចំណុចមុខផ្ទះលេខ A10 ស្ថិតក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ កម្លាំងកងរាជអាវុធហត្ថ បានឃាត់ខ្លួនជនសង្ស័យម្នាក់ ជាមួយនឹងម៉ូតូចំនួន០១គ្រឿង ម៉ាក SCOPY សេរីឆ្នាំ2015ពណ៌ក្រហមស្លាកលេខភ្នំពេញ 1CM-1837។
មុនឈានដល់ការឃាត់ខ្លួនជនសង្ស័យរូបនេះ ដោយសម្អាងទៅលើហេតុការណ៍ដែលបានកើតឡើងកាលពីវេលាម៉ោង០៣និង២៥នាទីទៀបភ្លឺ ឈានចូលថ្ងៃទី២៥ ខែតុលា ឆ្នាំ២០១៥ នៅចំណុចខាងជើងក្លោងទ្វារវត្តគោកខ្សាច់ស្ថិតក្នុងភូមិស្រែញរ សង្កាត់ពងទឹក ខណ្ឌដង្កោមានករណីហឹង្សាមានស្ថានទំងន់ទោសមួយលើកបង្កឡើងដោយជនសង្ស័យមានគ្នាប្រហែល20នាក់មធ្យោបាយម៉ូតូ10គ្រឿងបានវាយទៅលើភាគីម្ខាងទៀតដែលមានឈ្មោះពូន ផល្លីន ភេទប្រុសអាយុ 24ឆ្នាំ មុខរបរកម្មកររោងចក្រ ទីលំនៅបច្ចុប្បន្នភូមិខ្វិត សង្កាត់សាក់សំពៅ ខណ្ឌដង្កោ។ក្នុងហេតុការណ៍វាយតប់នេះជនរងគ្រោះខាងលើបានបាត់ម៉ូតូម៉ាកហុងដាSCOPYសេរីឆ្នាំ2015ពណ៌ក្រហមពាក់ស្លាកលេខ1CM1837ភ្នំពេញ ហើយភាគីបង្ករម្ខាងទៀតបានបន្សល់នូវម៉ូតូមួយគ្រឿងម៉ាកNEXពណ៌សរគ្មានស្លាកលេខ។
ដោយសារតែទទួលបានបណ្តឹងពីជនរងគ្រោះកម្លាំងជំនាញបានស៊ើបអង្កេត និងឃាត់ខ្លួនបានជនសង្ស័យម្នាក់ឈ្មោះរ៉ន ចាន់រតនា ភេទប្រុសអាយុ17ឆ្នាំមុខរបរមិនពិត
ប្រាកដ៏ស្នាក់នៅភូមិកន្ទោកជើងសង្កាត់កន្ទោកខណ្ឌពោធិសែនជ័យ រួមនិងវត្ថុតាងម៉ូតូមួយគ្រឿងដូចខាងលើ។
ក្រោយការសាកសួរជំហ៊ានដំបូងជនសង្ស័យបានឆ្លើយថា ករណីកើតឡើងយប់មិញនេះមិនមែនជារឿងប្លន់ទេគឺរឿងឈ្លោះវាយគ្នាហើយយកម៉ូតូច្រឡំគ្នា បន្ទាប់ពីកើតហេតុរួចខ្លួនបក្សពួក
មួយចំនួនបានបែកគ្នាទៅផ្ទះរៀងខ្លួននៅសល់តែរូបខ្លួននិងម្ចាស់ម៉ូតូNexដែលបន្សល់ទុកនៅកន្លែងកើតហេតុឈ្មោះចយ មិនហ៊ានចូលផ្ទះខ្លាចឪពុក
ម្តាយវាយ។ក្រោយពេលបែកគ្នាអស់ខ្លួននិយឈ្មោះចយបាននាំគ្នាទៅអង្គុយលេងលើទោងមុខផ្ទះលេខA10 ស្ថិតនៅភូមិត្រពាំងថ្លឹងសង្កាត់ចោមចៅ។ក្រោយមកជនសង្ស័យក៏ដេកលក់ហើយឈ្មោះចយដែលជាម្ចាស់ម៉ូតូNEXមិនដឹងទៅណាបាត់៕
