កំពង់ធំៈ នៅវេលាម៉ោង១៩ និង៤៥នាទីយប់ ថ្ងៃទី០២ ខែមិថុនា ឆ្នាំ២០១៧ កម្លាំងមូលដ្ឋាន កងរាជអាវុធហត្ថស្រុកបារាយណ៍ បានធ្វើការឃាត់ខ្លួនជនសង្ស័យចំនួន០៣នាក់ ស្ថិតនៅចំណុចភូមិត្រពាំងស្វាយ ឃុំបល្លង្ក័ ស្រុកបារាយណ៏ ខេត្តកំពង់ធំ មានជាប់ពាក់ព័ន្ធជាមួយករណីប្រើប្រាស់ និងចែកចាយនូវសារធាតុញៀន។

តាមការបញ្ជាក់ ពីមន្ត្រីកងរាជអាវុធហត្ថស្រុកបារាយណ៍ បានឱ្យដឹងថា ជនសង្ស័យដែលត្រូវបាន កម្លាំងកងរាជអាវុធហត្ថ ធ្វើការឃាត់ខ្លួននោះរួមមានឈ្មោះៈ
១. វង្ស សុខន ភេទប្រុស អាយុ៣៤ឆ្នាំ រស់នៅចំណុចភូមិត្រពាំងស្វាយ ឃុំបល្លង្ក័ ស្រុកបារាយណ៏ ខេត្តកំពង់ធំ
២. ជា សុលី ភេទស្រី អាយុ៣០ឆ្នាំ រស់នៅចំណុចភូមិត្រពាំងស្វាយ ឃុំបល្លង្ក័ ស្រុកបារាយណ៏ ខេត្តកំពង់ធំ
៣. មាស ដាលីន ភេទស្រី អាយុ២៥ឆ្នាំ រស់នៅចំណុចភូមិត្រពាំងស្វាយ ឃុំបល្លង្ក័ ស្រុកបារាយណ៏ ខេត្តកំពង់ធំ។

មន្ត្រីដដែល បានបញ្ជាក់បន្ថែមឱ្យដឹងទៀតថា ក្នុងការឃាត់ខ្លួនជនសង្ស័យខាងលើនេះផងដែរ កម្លាំងកងរាជអាវុធហត្ថ ក៏បានធ្វើការចាប់យកវត្ថុតាងមួយចំនួនពីជនសង្ស័យរួមមានៈ
១. ថ្នាំញៀនប្រភេទម៉ាទឹកកក ចំនួន០៧កញ្ចប់ ដែលមានទម្ងន់ ០.៨៤ក្រាម
២. ទូរស័ព្ទដៃ ចំនួន០៤គ្រឿង
៣. កាបូប ចំនួន០១។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្ត តាមនីតិវិធី។

(អត្ថបទៈ ម៉ាន់ ដាវីត)