អហ.ខណ្ឌដូនពេញ៖ នៅចំណុចផ្លូវឌឿងហែម ភូមិ១០ សង្កាត់ផ្សារថ្មីទី៣ ខណ្ឌដូនពេញក្រោយ ACU កាលពីវេលាម៉ោង១៨និង០០នាទី ថ្ងៃទី២៧ ខែតុលា ឆ្នាំ២០១៥ កម្លាំងកងរាជអាវុធហត្ថបានបង្ក្រាប និងឃាត់ខ្លួនជនសង្ស័យចំនួន០៤នាក់ លើករណីចែកចាយ និងប្រើប្រាស់ថ្នាំញៀន ។
ជនសង្ស័យដែលសមត្ថកិច្ចជំនាញ ឃាត់ខ្លួនបានមានឈ្មោះ ១.ឈ្មោះ ខឹម គុយសៀ ហៅអាយួន ភេទប្រុស អាយុ២៨ឆ្នាំ មុខរបរមិនពិតប្រាកដ ស្នាក់ផ្ទះលេខ៩៣ ផ្លូវ១០៧ សង្កាត់អូរឫស្សីទី៤ ខណ្ឌ៧មករា។ ២.ឈ្មោះ ធី រ៉ាវី ភេទប្រុស អាយុ២២ឆ្នាំ មុខរបរនិងទីលំនៅមិនពិតប្រាកដ
៣.ឈ្មោះ ខឹម តឿ ភេទប្រុស អាយុ២៧ឆ្នាំ មុខរបរមិនទីលំនៅមិនពិតប្រាកដ៤.ឈ្មោះ អែម ពន្លឺ ភេទប្រុស អាយុ៣៤ឆ្នាំ មុខរបរនិងទីលំនៅមិនពិតប្រាកដ។
វត្ថុតាងដែលសមត្ថកិច្ចជំនាញចាប់ដកបានមាន ថ្នាំក្រាមពណ៏សថ្លាចំនួន០១កញ្ចប់ធំ(ទម្ងន់០៣ជី)និង០១កញ្ចប់តូច ។ ម្យៅសថ្លាចំនួនចំនួន០១កញ្ចប់តូច ស៊ីរាំងចាប់ចំនួន៥១ កន្ទ្រៃចំនួន០៩ កូនកាំបិទ ចំនួន០៣ ទូរស័ព្ទ ចំនួន០១គ្រឿង ដែកកេះ ចំនួន១០ និងលុយចំនួន៨០០០ រៀល ដំបងឈើចំនួន ០១ ៕
