ពោធិ៍សាត់ៈ នៅវេលាម៉ោង១៥ និង៣០នាទីរសៀល ថ្ងៃទី១១ ខែមិថុនា ឆ្នាំ២០១៧ កម្លាំងមូលដ្ឋាន កងរាជអាវុធហត្ថស្រុកភ្នំក្រវាញ សហការជាមួយសង្កាត់ រដ្ឋបាលព្រៃឈើ ក្រវាញ និងកម្លាំងចម្រុះ បានធ្វើការបង្ក្រាបករណី លាក់ទុកឈើល្មើសច្បាប់ ចំនួន០១លើក ស្ថិតនៅចំណុចភូមិ បត់រំដួល ឃុំផ្ទះរុង ស្រុកភ្នំក្រវាញ ខេត្តពោធិ៍សាត់។

តាមការឱ្យដឹងពី មន្ត្រីមូលដ្ឋានកងរាជអាវុធហត្ថស្រុកភ្នំក្រវាញ បានឱ្យដឹងថា ក្នុងប្រតិបត្តិការបង្ក្រាបបទល្មើសខាងលើនេះផងដែរ កម្លាំងកងរាជអាវុុធហត្ថ ក៏បានរកឃើញ
នូវវត្ថុតាងមួយចំនួន ដែលជាឈើល្មើសច្បាប់ រួមមាន ឈើប្រណិតប្រភេទធ្នង់ ចំនួន ២០៧ កំណាត់ ស្មើនិង ១,៦១៦ ម៉ែត្រគូប។
វត្ថុតាងត្រូវបានប្រគល់អោយមន្ត្រីជំនាញខណ្ឌរដ្ឋបាលព្រៃឈើ ដើម្បីធ្វើការវាស់វែង និងចាត់ការបន្តតាមនិតិវិធី។