បន្ទាយមានជ័យៈ កម្លាំងមូលដ្ឋាន កងរាជអាវុធហត្ថក្រុងប៉ោយប៉ែត បានធ្វើការបង្ក្រាបបទល្មើសគ្រឿងញៀន០១ករណី ដោយឃាត់ខ្លួនជនសង្ស័យបានចំនួន០២នាក់ និងដកហូតវត្ថុតាងថ្នាំញៀន(ម៉ាទឹកកក)ចំនួន០២កញ្ចប់តូច និងកាំបិតដងដែក០១ដើម នៅវេលាម៉ោង០២រំលងអាធ្រាត្រ ឈានចូលថៃទី១៦ ខែមិថុនាឆ្នាំ២០១៧ ស្ថិតនៅក្នុងភូមិផ្សាររ៉ាថ្មី ភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

មន្ត្រីមូលដ្ឋាន កងរាជអាវុធហត្ថក្រុងប៉ោយប៉ែត បានឲ្យដឹងថាដោយបានទទួលព័ត៌មានពីប្រជាពលរដ្ឋថា មានជនសង្ស័យ០២នាក់ កំពុងនាំគ្នាលួចលក់គ្រឿងញៀន នៅចំណុចខាងលើ ទើបកម្លាំងអាវុធហត្ថក្រុងប៉ោយប៉ែត បានចុះទៅដល់ចំណុចកើតហេតុភ្លាមៗ ហើយបានធ្វើការឃាត់ខ្លួនជនសង្ស័យបានចំនួន០២នាក់នោះ។
ក្រោយពីឃាត់ខ្លួនបានហើយ ជនសង្ស័យត្រូវបានបញ្ជូនទៅ បញ្ជាការដ្ឋាន កងរាជអាវុធហត្ថខេត្ត ដើម្បីបន្តធ្វើការសាកសួរ។

មន្ត្រីកងរាជអាវុធហត្ថបន្ទាយមានជ័យ បានឲ្យដឹងថា ជនសង្ស័យទាំង០២នាក់ដែលត្រូវបានឃាត់ខ្លួននោះរួមមានឈ្មោះៈ
១. ខាន់ ពិសិដ្ឋ ភេទប្រុស អាយុ២៣ឆ្នាំ
២. ខាន់ ណារ៉ុង ភេទប្រុស អាយុ២០ឆ្នាំ អ្នកទាំង០២រស់នៅភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

មន្ត្រីដដែល បានបន្តឲ្យដឹងទៀតថា បើតាមចម្លើយរបស់ជនសង្ស័យទាំង០២នាក់បានឆ្លើយសារភាពថា រូបគេពិតជាបានលួចលក់គ្រឿងញៀនពិតប្រាកដមែនព្រោះខ្លួនបានបានទិញគ្រឿងញៀននេះពីឈ្មោះថា ភេទប្រុស ដើម្បីយកមកលក់បន្ត។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្ត តាមនីតិវិធី។