បាត់ដំបងៈ នៅវេលាម៉ោង២០ និង០០នាទីយប់ ថ្ងៃទី២១ ខែមិថុនាឆ្នាំ២០១៧ កម្លាំងមូលដ្ឋាន កងរាជអាវុធហត្ថស្រុករតនមណ្ឌល បានធ្វើការបង្ក្រាបបទល្មើសគ្រឿងញៀនចំនួន០១លើក ស្ថិតនៅចំណុចភូមិចំការល្មុត ឃុំស្តៅ ស្រុករតនមណ្ឌល ខេត្តបាត់ដំបង ដោយឃាត់ខ្លួនជនសង្ស័យបានចំនួន០២នាក់ និងធ្វើការចាប់យកនូវវត្ថុតាងមួយចំនូនរួមមានៈ
១. ថ្នាំញៀនប្រភេទម៉ាទឹកកក ចំនួន០៤កញ្ចប់តូច
២. ម៉ូតូ ចំនួន០២គ្រឿង
៣. ទូរស័ព្ទដៃ ចំនួន០៥គ្រឿង
៤. អាយកូម ចំនួន០១គ្រឿង
៥. កាបូបលុយ ចំនួន០១ និងសម្ភារៈផ្សេងៗមួយចំនួន។

តាមការឲ្យដឹងពីមន្ត្រីមូលដ្ឋាន កងរាជអាវុធហត្ថស្រុករតនមណ្ឌល បានឲ្យដឹងថា ជនសង្ស័យទាំង០២នាក់ដែលត្រូវបានឃាត់ខ្លួននោះរួមមានឈ្មោះៈ
១. គុល យ៉េត ភេទប្រុស អាយុ២៧ឆ្នាំ រស់នៅភូមិចំការល្មុត ឃុំស្តៅ ស្រុករតនមណ្ឌល ខេត្តបាត់ដំបង
២. សុខ សីហា ភេទប្រុស អាយុ៣៣ឆ្នាំ រស់នៅភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្ត តាមនីតិវិធី។

(អ.ប ម៉ាន់ ដាវីត)