អហ.ខណ្ឌចំកាមន ៖នៅវេលាម៉ោង០០និង៣០នាទីយប់ថ្ងៃទី៣០ ខែតុលា ឆ្នាំ​២០១៥ នៅចំនុចមុខផ្ទះលេខ៤៥ ផ្លូវ៥០៨ សង្កាត់ផ្សារដើមថ្កូវ ខណ្ឌចំកាមន កម្លាំង​ល្បាតកងរាជ​អាវុធហត្ថ​ខណ្ឌបានឃាត់ខ្លួនជនសង្ស័យ៣នាក់ដែលមានលាក់ទុកដាវសាំម៉ូរៃព្រមទាំងដកហូតម៉ូតូ១គឿង ម៉ាក Suzuki Nex ពណ៌ខ្មៅ ស៊េរី២០១៣ស្លាកលេខ ភ្នំពេញ1CX-6152 ។

ជនសង្ស័យដែលឃាត់ខ្លួនបានមាន ទី១ឈ្មោះ ស៊ន ប៊ុនសែន ភេទប្រុស ២៩ឆ្នាំ សន្តិសុខ ស្នាក់នៅផ្ទះកើតហេតុនិងជាម្ចាស់ដាវព្រមទាំងបន្លំស្លៀកឯកសណ្ឋានយោធា ។
ជនសង្ស័យទី២ឈ្មោះ ហុងគឹមសក្តិ ភេទប្រុស ១៧ឆ្នាំ បុគ្គលឹកក្រុមហ៊ុនសាំងសូគីម៉ិច​ កន្លែង​ស្នាក់នៅមិនពិតប្រាកដ ។ ជនសង្ស័យទី៣ឈ្មោះ យ៉េន សារ៉ន ភេទប្រុស ២៥ឆ្នាំ អ្នកនេសាទ ស្នាក់នៅភូមិទី១៣ ឃុំព្រែកតានុង ស្រុកកោះសុទិន ខេត្តកំពង់ចាម ជាម្ចាស់ម៉ូតូ ។
ដំណើរដើមទងឈានដល់ការឃាត់ខ្លួនជនសង្ស័យខាងលើដោយកម្លាំងជំនាញបានចុះល្បាតក្នុងភូមិសាស្រ្តមកដល់ចំនុចកើតហេតុក៏មានការសង្ស័យទៅលលើបុរស៣នាក់កំពុងអង្គុយនៅកន្លែងងងិតក៏ចូលទៅឆែកឆេរក៏រកឃើញដាវសាម៉ូរៃ១ដើមលាក់ទុកនៅគៀនទ្វារក្រោមប៉ៅអ៊ី ហើយក្នុងចំណោម៣នាក់មានម្នាក់ទើបប្រើប្រាស់គ្រឿងញៀនរួចទើបកម្លាំងកងរាជ​អាវុធហត្ថ​ឃាត់ខ្លួនមកមូលដ្ឋានកងរាជ​អាវុហត្ថ​ខណ្ឌតែម្តង ៕