បន្ទាយមានជ័យៈ នៅវេលាម៉ោង១៩ និង៣០នាទីយប់ ថ្ងៃទី២៦ ខែមិថុនា ឆ្នាំ២០១៧ កម្លាំងមូលដ្ឋាន កងរាជអាវុធហត្ថក្រុងប៉ោយប៉ែត បានធ្វើការឃាត់ខ្លួន ជនសង្ស័យចំនួន០៨នាក់ ស្ថិតនៅចំណុចភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ មានជាប់ពាក់ព័ន្ធជាមួយករណីរក្សាទុក និងចែកចាយនូវសារធាតុញៀន។
តាមការឱ្យដឹងពីមន្ត្រីកងរាជអាវុធហត្ថក្រុងប៉ោយប៉ែត បានឱ្យដឹងថាជនសង្ស័យដែលត្រូវបាន កម្លាំងកងរាជអាវុធហត្ថ ធ្វើការឃាត់ខ្លួននោះរួមមានឈ្មោះៈ
១. កែវ សេរី ហៅម៉ូវ អាយុ២៧ឆ្នាំ រស់នៅភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ
២. ខាន់ ម៉យ ហៅ បាស់ ភេទប្រុស អាយុ៣៦ឆ្នាំ រស់នៅមិនពិតប្រាកដ
៣. វី វណ្ណា ហៅ យត ភេទប្រុស អាយុ២៥ឆ្នាំ រស់នៅភូមិសាមគ្គីមានជ័យ ក្រុងប៉ោយប៉ែត ខេត្តបន្ទាយមានជ័យ
៤. សុខ ឃីម ភេទប្រុស អាយុ៣២ឆ្នាំ រស់នៅបន្ទប់ជួលខាងត្បូងផ្សាររុងគ្លឿ ប្រទេសថៃ
៥. គង់ ពេក ភេទប្រុស អាយុ១៩ឆ្នាំ រស់នៅភូមិសាមគ្គីមានជ័យ សង្កាត់ និងក្រុងប៉ោយប៉ែត ខេត្តបន្ទាយមានជ័យ
៦. ស៊ុយ ចិន្ដា ភេទប្រុស អាយុ៣០ឆ្នាំ រស់នៅភូមិបាលិលេយ្យ១ សង្កាតនិងក្រុងប៉ោយប៉ែត ខេត្តបន្ទាយមានជ័យ
៧. អ៊ុច ភេទប្រុស អាយុ២៦ឆ្នាំ រស់នៅមិនពិតប្រាកដ
៨. ឌៀប សុខុម ហៅ ម៉ាប់ ភេទប្រុស អាយុ៣៥ឆ្នាំ រស់នៅភូមិក្បាលស្ពាន១ សង្កាត់ និងក្រុងប៉ោយប៉ែត ខេត្តបន្ទាយមានជ័យ ។
មន្ត្រីដដែល បានបញ្ជាក់បន្ថែមឱ្យដឹងទៀតថា ក្នុងការឃាត់ខ្លួនជនសង្ស័យខាងលើនេះផងដែរ កម្លាំងកងរាជអាវុធហត្ថ ក៏បានធ្វើការចាប់យកវត្ថុតាងមួយចំនួនពីជនសង្ស័យរួមមានៈ
១. ថ្នាំញៀនប្រភេទម៉ាទឹកកកចំនួន ០៨កញ្ចប់
២. ថ្នាំញៀនប្រភេទយ៉ាម៉ា ចំនួន០៧គ្រាប់
៣. ម៉ូតូ ចំនួន០១គ្រឿង
៤. ទូរស័ព្ទដៃ ចំនួន០៤គ្រឿង
៥. នាឡិកា ចំនួន០១គ្រឿង និងសម្ភា:ប្រើប្រាស់គ្រឿងញៀនមួយចំនួន។
ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្ត តាមនីតិវិធី។
(អ.ប ម៉ាន់ ដាវីត)
