កំពង់ឆ្នាំងៈ នៅព្រឹកថ្ងៃទី០៣ ខែកក្កដា ឆ្នាំ២០១៧ នៅមជ្ឈមណ្ឌលហ្វឹកហ្វឺនភ្នំជុំរាយ បានប្រារព្ធពិធីបើកការប្រកួតប្រឡងប្រណាំងលើវិញ្ញាសារកីឡា វប្បធម៌ សិល្បៈ ដើម្បីអបអរសារខួបអនុស្សាវរីយ៍លើកទី២៤ ទិវាបង្កើតកងរាជអាវុធហត្ថ សាជាថ្មីថ្ងៃទី១៤ ខែកក្កដា ឆ្នាំ១៩៩៣។
ក្នុងពិធីនេះដែរ មានការអញ្ជើញចូលរួមក្រោមអធិបតីភាព ឯកឧត្តម ឧត្តមសេនីយ៍ឯក ភួង ស៊ីភិន មេបញ្ជាការរង កងរាជអាវុធហត្ថលើផ្ទៃប្រទេស និង ឯកឧត្តម ឧត្តមសេនីយ៍ តំណាងស្នងការ នាយកសាលា នាយករងសាលា លោក មេបញ្ជាការរងកងរាជអាវុធហត្ថ បណ្តាខេត្តពាក់ព័ន្ធជាច្រើនរូបបានអញ្ជើញចូលរួមផងដែរ។
