រតនគិរីៈ ដោយអនុវត្តន៍តាមអនុសាសន៍ណែនាំដ៏ខ្ពង់ខ្ពស់ របស់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជា មេបញ្ជាការ កងរាជអាវុធហត្ថលើផ្ទៃប្រទេស បានជំរុញដល់មេបញ្ជាការ អង្គភាព តាមបណ្តា រាជធានី-ខេត្ត ត្រូវបន្តខិតខំ កសាងអង្គភាព និងសាងសង់ជំរុំជំរក ក្នុងការស្នាក់នៅ របស់ នាយទាហាន នាយទាហានរង នៃកងរាជអាវុធហត្ថ ទាំងអស់ អោយបានគ្រប់គ្រាន់ ជាក់ស្តែង
នៅព្រឹកថ្ងៃទី០៤ ខែកក្កដា ឆ្នាំ២០១៧ នៅបញ្ជាការដ្ឋាន កងរាជអាវុធហត្ថខេត្តរតនគិរី បាននឹងកំពុងសាងសង់អគារដ្ឋបាលធ្វើអំពីថ្ម និងប្រក់គ្បើង និងចាក់ផ្លូវមេតុងមួយខ្សែ ដើម្បីជួយសម្រួល ដល់ នាយទាហាន នាយទាហានរង កងរាជអាវុធហត្ថខេត្ត ក្នុងពេលបំពេញកិច្ចការងារ និងលើកកម្ពស់មុខមាត់អង្គភាព អោយកាន់តែងប្រសើរ។
(អ.ប ម៉ាន់ ដាវីត)
