អហ.កំពង់ធំ៖ នៅរសៀល ថ្ងៃទី១ ខែវិច្ឆិកា ឆ្នាំ២០១៥ កម្លាំងកងរាជអាវុធហត្ថខេត្តកំពង់ធំបានបញ្ចូនជនសង្ស័យ៣នាក់ទៅតុលាការ ពីបទ រក្សាទុក ចែកចាយ និងប្រើប្រាស់សារធាតុញៀនខុសច្បាប់ ។
ជនសង្ស័យដែលសមត្ថកិច្ចជំនាញខេត្តបានបញ្ចូនទៅកាន់តុលាការនោះ មានឈ្មោះ ១. ឈ្មោះ
រស់ សុភ័ក្រ ភេទប្រុសអាយុ៤២ឆ្នាំរស់នៅភូមិព្រៃតាត្រាវ ឃុំបល្ល័ង្គ ស្រុកបារាយណ៍ ២ .ព្រឿង រិទ្ធីអាយុ២០ឆ្នាំនៅភូមិដូងឃុំបល្ល័ង្គស្រុកបារាយណ៍ និង៣.ឈ្មោះ ស៊ី ដាវី ភេទស្រីអាយុ២៩ ឆ្នាំរស់នៅភូមិត្រពាំងស្វាយឃុំបល្ល័ង្គ ។ ជនសង្ស័យទាំង៣នាក់នេះត្រូវបានកម្លាំងកងរាជអាវុធហត្ថស្រុកបារាណ៍ ខេត្តកំពង់ធំធ្វើការឃាត់ខ្លួនបានកាលពីថ្ងៃទី៣១ ខែតុលា ឆ្នាំ២០១៥ នៅចំណុចភូមិត្រពាំងស្វាយឃុំបល្ល័ង្គស្រុកបារាយណ៍។
វត្ថុតាងចាប់ដកបានកំឡុងពេលនោះ មានម្សៅគ្រើមសថ្លា ចំនួន៥កញ្ចប់តូចនិង១កញ្ចប់ធំសរុបស្មើ១,៩៣ក្រាម ជញ្ជីងថ្លឹងគ្រឿងញៀន១គ្រឿង ថង់សថ្លា និងឧបករណ៍ជក់មួយចំនួន៕
