ព្រះវិហារៈ នៅវេលាម៉ោង០៨ និង០០នាទីព្រឹក ថ្ងៃទី១១ ខែកក្កដា ឆ្នាំ២០១៧ នៅបញ្ជាការដ្ឋាន កងរាជអាវុធហត្ថខេត្តព្រះវិហារ បានបើកកិច្ចប្រជុំត្រួតពិនិត្យ ការអនុវត្តតួនាទីភារកិច្ច និងការងារ កងរាជអាវុធហត្ថប្រចាំឆមាសទី១ និងទិសដៅការងារ ឆមាសទី២ ឆ្នាំ២០១៧ ក្រោមអធិបតីភាព ឯកឧត្តម ឧត្តមសេនីយ៍ត្រី កង សៅគុណ មេបញ្ជាការ កងរាជអាវុធហត្ថខេត្តព្រះវិហារ និងមានការចូលរួមពីសំណាក់ លោកមេបញ្ជាការរង នាយរងសេនាធិការដ្ឋាន នាយការិយាល័យ ប្រធាន អនុប្រធានមន្ទីរ មេបញ្ជាការ មេបញ្ជាការរងក្រុង ស្រុក ស្នាក់ការ សន្តិសុខ និងនាយ នាយរងអាវុធហត្ថខេត្តសរុប ចំនួន៦៩នាក់។
នៅក្នុងពិធីនេះផងដែរ ឯកឧត្តម មេបញ្ជាការខេត្ត ក៏បានធ្វើការប្រគល់នូវ លិខិិតសរសើរ របស់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជា មេបញ្ជាការ កងរាជអាវុធហត្ថលើផ្ទៃប្រទេស ជូនដល់នាយ នាយរងកងរាជអាវុធហត្ថខេត្តព្រះវិហារ ចំនួន ១០រូប ដែលមានស្នាដៃល្អ ក្នុងការបំពេញតួនាទី ភារៈកិច្ចរបស់ខ្លួននាពេលកន្លងមក ដើម្បីជាការលើក ទឹកចិត្តផងដែរ។
