អហ.កណ្តាល៖ នៅវេលាម៉ោង១២និង​២០នាទី ថ្ងៃទី០៣ ខែវិច្ឆិកា​ ឆ្នាំ​២០១៥ នៅចំណុចភូមិព្រែកល្វា ឃុំព្រែកតាកូវ កងរាជ​អាវុធហត្ថ​ខេត្តកណ្តាលបាន​ឃាត់ខ្លួនមនុស្ស០២នាក់ពាក់ព័ន្ធថ្នាំញៀន ។​
ជនសង្ស័យដែល​សមត្ថកិច្ចឃាត់ខ្លួនបានមានឈ្មោះ ឈ្មោះ ទុំ ម៉ារី ភេទប្រុស អាយុ29ឆ្នាំ មុខរបរ ជាងកាត់សក់ រស់នៅភូមិព្រែកលួង ឃុំព្រែកលួង ស្រុកខ្សាច់កណ្តាល ខេត្តកណ្តាល និង ឈ្មោះ ប៊ិន ទឹង ភេទប្រុស អាយុ23ឆ្នាំ មុខរបរ កម្មករសំណង់ រស់នៅភូមិព្រែកថោង ឃុំព្រែកលួង ស្រុកខ្សាច់កណ្តាល ខេត្តកណ្តាល ។
ដំណើរ​ដើមទង​ឈានដល់ការ​ឃាត់ខ្លួនជនសង្ស័យខាងលើ ដំបូងឡើយកម្លាំង​កងរាជ​អាវុធហត្ថស្រុកបានចុះល្បាត​ក្នុងភូមិសាស្ត្រ ក៏ប្រទះឃើញមុខសញ្ញានេះជិះម៉ូតូ ក៏ឃាត់ធ្វើការឆែកឆេរ ឃើញមានថ្នាំញៀនចំនួន02កញ្ចប់ ក៏ធ្វើការឃាត់ខ្លួនតែម្តង។
វត្ថុតាងដែល​កម្លាំងជំនាញចាប់ដកបានមាន ថ្នាំញៀន(ម៉ាទឹកកក) ចំនួន 02កញ្ចប់តូច ម៉ូតូ01គ្រឿង ម៉ាកC125សេរី2011ផ្លាក
លេខ1BF-6571 និង ទូរស័ព្ទដៃចំនួន02គ្រឿង៕