ក្រចេះៈ កម្លាំងកងរាជអាវុធហត្ថខេត្តក្រចេះ សហការជាមួយ កម្លាំងមូលដ្ឋាន កងរាជអាវុធហត្ថស្រុកស្នួល បានធ្វើការឃាត់ខ្លួន ជនសង្ស័យចំនួន០៦នាក់ មានជាប់ពាក់ព័ន្ធជាមួយករណីប្រើប្រាស់ និងចែកចាយនូវសារធាតុញៀន។

តាមការឱ្យដឹងពីមន្ត្រី កងរាជអាវុធហត្ថខេត្តក្រចេះ បានឱ្យដឹងថា ក្នុងប្រតិបត្តិការ បង្ក្រាប និងឃាត់ខ្លួនជនសង្ស័យខាងលើនេះ គឺធ្វើឡើងនៅវេលាម៉ោង១៤ និង១០នាទីរសៀល ថ្ងៃទី២១ ខែកក្កដា ឆ្នាំ២០១៧ ស្ថិតនៅចំណុចភូមិក្បាលស្នួល ឃំុស្នួល ស្រុកស្នួល ខេត្តក្រចេះ។

មន្ត្រីដដែល បានបន្តឱ្យដឹងថា ជនសង្ស័យ ដែលត្រូវបាន កម្លាំងកងរាជអាវុធហត្ថ ធ្វើការឃាត់ខ្លួននោះ រួមមានឈ្មោះៈ
១. សេន ម៉ារី ភេទស្រី អាយុ៤៩ឆ្នាំ ជនជាតិខ្មែរឥស្លាម មានទីលំនៅភូមិក្បាលស្នួល ឃំុស្នួល ស្រុកស្នួល ខេត្តក្រចេះ
២. គ្រុយ ធាវី ភេទស្រី អាយុ២៣ឆ្នាំ ជនជាតិខ្មែរ មានទីលំនៅភូមិក្បាលស្នួល ឃំុស្នួល ស្រុកស្នួល ខេត្តក្រចេះ
៣. ង៉ា សានី ភេទប្រុស អាយុ២១ឆ្នាំ ជនជាតិខ្មែរឥស្លាម មានទីលំនៅភូមិក្បាលស្នួល ឃំុស្នួល ស្រុកស្នួល ខេត្តក្រចេះ
៤. ឡុង វុទ្ធី ភេទប្រុស អាយុ១៨ឆ្នាំ ជនជាតិខ្មែរ មានទីលំនៅភូមិថ្មី ឃំុឆ្លូង ស្រុកឆ្លូង ខេត្តក្រចេះ
៥. រឿន រិទ្ធ ភេទប្រុស អាយុ១៩ឆ្នាំ ជនជាតិខ្មែរ មានទីលំនៅភូមិក្បាលស្នួល ឃំុស្នួល ស្រុកស្នួល ខេត្តក្រចេះ
៦. លី សុខអីុ ភេទប្រុស អាយុ២៩ឆ្នាំ ជនជាតិខ្មែរ មានទីលំនៅភូមិច្រាបថ្មី ឃុំ២ធ្នូ ស្រុកស្នួល ខេត្តក្រចេះ។

មន្ត្រីដដែល បានបញ្ជាក់បន្តឱ្យដឹងទៀតថា ក្នុងការឃាត់ខ្លួនជនសង្ស័យខាងលើនេះផងដែរ កម្លាំងកងរាជអាវុធហត្ថ ក៏បានធ្វើការចាប់យកវត្ថុតាងពីជនសង្ស័យរួមមានៈ
១. ថ្នាំញៀនប្រភេទម៉ាទឹកកកចំនួន ២៤កញ្ចប់
២. ទូរស័ព្ទដៃ ចំនួន០៤គ្រឿង
៣. កាបូបលុយ ចំនួន០១
៤. ឧបករណ៍សម្រាប់អ៊ុតផ្លាសស្ទីក ចំនួន០១គ្រឿង
៥. កាំភ្លេីងកែច្នៃ ចំនួន០២ដេីម
៦. សម្ភារៈសម្រាប់វេចខ្ចប់ និងប្រេីប្រាស់គ្រឿងញៀនមួយចំនួន។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្ត តាមនីតិវិធី។

(អ.ប ម៉ាន់ ដាវីត)