ស្វាយរៀងៈ នៅវេលាម៉ោង០៧ និង៣០នាទីព្រឹក ថ្ងៃទី២៤ ខែកក្កដា ឆ្នាំ២០១៧ នៅមួលដ្ឋាន កងរាជអាវុធហត្ថស្រុករំដួល ដែលមានទីតាំងថ្មីស្ថិតនៅក្នុងភូមិតាជោរ ឃុំសង្កែ ស្រុករំដួល ខេត្តស្វាយរៀង បានប្រារព្ធពិធីក្រុងពាលីបញ្ចុះបឋមសីលា កសាង អគាររដ្ឋបាលថ្មីចំនួន០១ខ្នង ដែលមាន បណ្តោយប្រវែង៣២ម៉ែត្រ ទទឹងប្រវែង៧ម៉ែត្រ មានបន្ទប់ចំនួន៥ លើផ្ទៃដី ចំនួន២៦៧៦ម៉ែត្រក្រឡា។

ពិធីនេះប្រារព្ធឡើង ក្រោមវត្តមាន ឯកឧត្តម ឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង និងដោយមានការអញ្ជើញចូលរួមពីសំណាក់ លោកអភិបាល នៃគណអភិបាលស្រុករំដួល ឯកឧត្តម ឧត្តមសេនីយ៍ស្នងការ ស្នងការរងនគរបាល ខេត្តស្វាយរៀង ឧត្តមសេនីយ៍ មេបញ្ជាការរង កងរាជអាវុធហត្ថខេត្តស្វាយរៀង ប្រធាន អនុប្រធានមន្ទីរ នាយការិយាល័យចំណុះ បញ្ជាការដ្ឋាន កងរាជអាវុធហត្ថខេត្តស្វាយរៀង មេបញ្ជាការ វរសេនាតូចលេខ៦១១ នគបាលការពារព្រុំដែនខេត្តស្វាយរៀង លោកមេបញ្ជាការ មូលដ្ឋានកងរាជអាវុធហត្ថក្រុង ស្រុក លោកអធិការ អធិការងនគរបាលស្រុក លោកមេបញ្ជាការផ្នែកសិករងស្រុករំដួល និងលោកនាយប៉ុស្តិ៍នគរបាលរដ្ឋបាល ទាំង១០ក្នុងស្រុករំដួល លោកក្រុមប្រិក្សាឃំុ និងលោកមេភូមិ។