ក្រចេះៈ នៅវេលាម៉ោង២១ និង៤០នាទីយប់ ថ្ងៃទី២២ ខែកក្កដា ឆ្នាំ២០១៧ កម្លាំងមូលដ្ឋាន កងរាជអាវុធហត្ថស្រុកស្នួល បានធ្វើការឃាត់ខ្លួនជនសង្ស័យចំនួន០៤នាក់ ស្ថិតនៅចំណុចភូមិកាត់ដៃ ឃុំស្នួល ស្រុកស្នួល ខេត្តក្រចេះ មានជប់ពាក់ព័ន្ធជាមួយករណីរក្សាទុក និងចែកចាយនូវសារធាតុញៀន។

តាមការឱ្យដឹងពីមន្ត្រីកងរាជអាវុធហត្ថស្រុកស្នួល បានឱ្យដឹងថា ជនសង្ស័យ ដែលត្រូវបាន កម្លាំងកងរាជអាវុធហត្ថ ធ្វើការឃាត់ខ្លួននោះ រួមមានឈ្មោះៈ
១. ចន សុខចាន់ ភេទប្រុស អាយុ២៤ឆ្នាំ រស់នៅភូមិក្បាលស្នួល ឃុំស្នួល ស្រុកស្នួល ខេត្តក្រចេះ
២. អ៊ន ពិទួ ភេទប្រុស អាយុ២៤ឆ្នាំ រស់នៅភូមិកាត់ដែ ឃុំស្នួល ស្រុកស្នួល ខេត្តក្រចេះ
៣. ខុន កក្កដា ភេទប្រុស អាយុ១៧ឆ្នាំ រស់នៅភូមិក្បាលស្នួល ស្រុកស្នួល ខេត្តក្រចេះ
៤. មុឹង ដាឡែន ភេទប្រុស អាយុ១៧ឆ្នាំ រស់នៅភូមិក្តុល ឃុំទន្លួង ស្រុកមេមត់ ខេត្តត្បូងឃ្មុំ។

មន្ត្រីដដែល បានបន្តឱ្យដឹងទៀតថា ក្នុងការឃាត់ខ្លួនជនសង្ស័យខាងលើនេះផងដែរ កម្លាំងកងរាជអាវុធហត្ថ ក៏បានធ្វើការចាប់យកវត្ថុតាងពីជនសង្ស័យរួមមានៈ
១. ថ្នាំញៀនប្រភេទម៉ាទឹកកកចំនួន ១៦កញ្ចប់
២. ម៉ូតូ ចំនួន០៣គ្រឿង
៣. ទូរស័ព្ទ ចំនួន០៧គ្រឿង
៤. ដាវ ចំនួន៣ដើម
៥. ចិញ្ចៀន ចំនួន១វង់
៦. កងដៃ ចំនួន១ និងឧបករណ៍សម្រាប់សេពគ្រឿងញៀនមួយចំនួន។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្ត តាមនីតិវិធី។