អហ.ខណ្ឌមានជ័យ៖ នៅថ្ងៃទី០៧ ខែវិច្ឆិកា ឆ្នាំ២០១៥ វេលាម៉ោង០២និង០០នាទីយប់ នៅចំណុចភូមិមានជ័យ ខណ្ឌមានជ័យ រាជធានីភ្នំពេញ កម្លាំងកងរាជអាវុធហត្ថខណ្ឌបានឃាត់ខ្លួនជនសង្ស័យពីរនាក់ ពាក់ព័ន្ធនឹងថ្នាំញៀន។
ក្នុងអំឡុងពេលដែលសមត្ថកិច្ចជំនាញចុះល្បាតក្នុងភូមិសាស្ត្រខាងលើ ស្រាប់តែប្រទះឃើញជនសង្ស័យពីរនាក់ កំពុងតែជិះម៉ូតូមួយគ្រឿងម៉ាកសង់កូរ៉េពណ៌ក្រហម គ្មានស្លាកលេខពេលនោះ កម្លាំងសមត្ថកិច្ចក៏កាក់ស្ទាក់ សួរនាំហើយសុំឆែកឆេរស្រាប់តែជនសង្ស័យម្នាក់ចុះពីលើម៉ូតូរត់គេចខ្លួនបាត់។
ដោយឡែកជនសង្ស័យដែលឃាត់ខ្លួនបាននៅកន្លែងឈ្មោះ ហង្ស ភក្តី ភេទប្រុសអាយុ ៤០ឆ្នាំ មុខរើសអេតចាយ ស្នាក់នៅ ភូមិត្នោតជ្រុមប្រាំ សង្កាត់បឹងទំពុន ខណ្ឌមានជ័យ រាជធានីភ្នំពេញ ដោយឆែកឃើញមាន ម្យៅក្រាមពណ៌ស ៤កញ្ចប់តូច និង ម៉ូតូ១គ្រឿង ៕
