ពោធិ៍សាត់ៈ នៅវេលាម៉ោង១៣ និង៣០នាទី ថ្ងៃទី៣០ ខែកក្កដា ឆ្នាំ២០១៧ កម្លាំងមូលដ្ឋាន កងរាជអាវុធហត្ថស្រុកភ្នំក្រវាញ សហការជាមួយមន្ត្រីជំនាញ នៃផ្នែករដ្ឋបាលព្រៃឈើភ្នំក្រវាញ បានធ្វើការបង្ក្រាបករណីដឹកជញ្ជូនផល/អនុផលព្រៃឈើដោយខុសច្បាប់ ចំនួន០១លើក ស្ថិតនៅចំណុចភូមិអង្គ្រង ឃុំសំរោង ស្រុកភ្នំក្រវាញ ខេត្តពោធិ៍សាត់។

ក្នុងប្រតិបត្តិការបង្ក្រាបបទល្មើសនេះផងដែរ កម្លាំងយើង បានធ្វើការចាប់យកនូវវត្ថុតាងមួយចំនួនរួមមានៈ
១. រថយន្ត ០១គ្រឿង ម៉ាក KIA ពណ៌ទឹកប៊ិច ពាក់ស្លាកលេខ ភ្នំពេញ ២F ៨២៦២
២. ឈើប្រណិតប្រភេទធ្នង់ ចំនួន១២៤កំណាត់ ស្មើនិង ១.០៥២ ម៉ែត្រគូប។

បច្ចុប្បន្ន វត្ថុតាងត្រូវបានប្រគល់អោយមន្ត្រីជំនាញ នៃផ្នែករដ្ឋបាលព្រៃឈើ ដើម្បីចាត់ការបន្តតាមនិតិវិធី៕