អហ.បន្ទាយមានជ័យ​៖ នៅវេលាម៉ោង​០៣​និ​ង​០០នាទី ថ្ងៃទី​០៨​ ខែវិច្ឆិកា ឆ្នាំ​២០១៥ កម្លាំងកងរាជ​អាវុធហត្ថ​ខេត្តបន្ទាយមានជ័យ​ បានធ្វើការ​ឃាត់ខ្លួនមនុស្ស​០៣នាក់ ក្នុងនោះមានស្រី ០១នាក់ពាក់ព័ន្ធថ្នាំញៀន​។​
មនុស្ស​០៣នាក់ដែលពាក់ព័ន្ធនិងថ្នាំញៀននេះមានឈ្មោះ ជា វុទ្ធី ភេទប្រុស​ អាយុ២៣ឆ្នាំ រស់នៅបន្ទប់ជួលក្បែរសណ្ឋាគារហ៊ុយគាស្ថិតក្នុងភូមិក្បាលស្ពាន1 សង្កាត់និង​ក្រុងប៉ោយប៉ែត​ ។ ឈ្មោះ អឿន សារុន ភេទប្រុស អាយុ២០ឆ្នាំ រស់នៅភូមិបាលិលេយ្យ2 សង្កាត់ ក្រុងប៉ោយប៉ែត និង ឈ្មោះ នេត្រ វណ្ណី ភេទស្រី អាយុ 36ឆ្នាំ រស់នៅភូមិបាលិលេយ្យ1 សង្កាត់ ក្រុងប៉ោយប៉ែត ។ ជន​ទាំងបីនាក់នេះដែរ​ត្រូវបានកម្លាំងកងរាជ​អាវុធហត្ថ​ធ្វើការ​ឃាត់ខ្លួនបាន​ជាបន្តបន្ទាប់នៅ ចំណុចក្បែរសណ្ឋាគារ ហ៊ុយគារ ស្ថិតក្នុងភូមិ ក្បាលស្ពាន1 សង្កាត់+ ក្រុងប៉ោយប៉ែត ។
វត្ថុតាងដែលសមត្ថកិច្ចជំនាញចាប់ដកបានមានមេតំហ្វេតាមីនទឹកកចំនួន ០៥កូនថង់កិប៕