ប៉ៃលិនៈ នៅវេលាម៉ោង១៥ និង៥០នាទីរសៀល ថ្ងៃទី៣១ ខែកក្កដា ឆ្នាំ២០១៧ កម្លាំងកងរាជអាវុធហត្ថខេត្តប៉ៃលិន សហការជាមួយ កម្លាំងមូលដ្ឋាន កងរាជអាវុធហត្ថក្រុងប៉ៃលិន និងដោយមានការសម្របសម្រួលពីព្រះរាជអាជ្ញាអមសាលាដំបូងខេត្ត បានធ្វើការឃាត់ខ្លួនជនសង្ស័យចំនួន០២នាក់ ជាជនជាតិវៀតណាម ស្ថិតនៅចំណុចភូមិអូច្រាកើត សង្កាត់ទួល្វា ក្រុងប៉ៃលិន ខេត្តប៉ៃលិន មានជាប់ពាក់ព័ន្ធជាមួយករណីរក្សាទុក និងចែកចាយនូវសារធាតុញៀន។

តាមការឱ្យដឹងពីមន្ត្រីកងរាជអាវុធហត្ថខេត្តប៉ៃលិន បានឱ្យដឹងថា ជនសង្ស័យ ដែលត្រូវបាន កម្លាំងកងរាជអាវុធហត្ថ ធ្វើការឃាត់ខ្លួននោះ រួមមានឈ្មោះៈ
១. ជួន វិន ភេទស្រី អាយុ៣៤ឆ្នាំ ជនជាតិវៀតណាម មុខរបរមិនពិតប្រាកដ រស់នៅភូមិអូច្រាកើត សង្កាត់ទួល្វា ក្រុងប៉ៃលិន ខេត្តប៉ៃលិន
២. ជួន ស្រីយ៉ុង ភេទស្រីអាយុ ២៥ឆ្នាំ ជនជាតិវៀតណាម មុខរបរបំរើខារាអូរខេ រស់នៅរស់នៅភូមិអូច្រាកើត សង្កាត់ទួល្វា ក្រុងប៉ៃលិន ខេត្តប៉ៃលិន។

មន្ត្រីដដែល បានបន្តឱ្យដឹងទៀតថា ក្នុងការឃាត់ខ្លួនជនសង្ស័យខាងលើនេះផងដែរ កម្លាំងកងរាជអាវុធហត្ថ ក៏បានធ្វើការចាប់យកវត្ថុតាងពីជនសង្ស័យរួមមាន ថ្នាំញៀនប្រភេទមេតំហ្វេតាមីនគ្រាប់ចំនួន០៦គ្រាប់ ពណ៌ផ្កាឈូក។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្ត តាមនីតិវិធី។