អហ.បន្ទាយមានជ័យ៖ នៅវេលាម៉ោង០៨និង០០នាទី ថ្ងៃទី០៩ ខែវិច្ឆិកា ឆ្នាំ២០១៥ កម្លាំងកងរាជអាវុធហត្ថបានធ្វើការឃាត់ខ្លួនមនុស្សម្នាក់ពីបទលួច ( មានស្ថានទម្ងន់ទោស ដោយធ្វើការគាស់ទំលុះទំលាយ) ។ហេតុការណ៍លួចនេះដែរបានកើតឡើងកាលពីថ្ងៃទី០៧ ខែវិច្ឆិកា ឆ្នាំ២០១៥ នៅចំណុចក្បែរសណ្ឋាគារងីហេង ស្ថិតក្នុងភូមិ ក្បាលកោះ សង្កាត់និងក្រុងប៉ោយប៉ែត ខេត្តបន្ទាយមានជ័យ ។
ជនសង្ស័យដែលសមត្ថកិច្ចជំនាញឃាត់ខ្លួនបានជាមនុស្សគ ដោយបានធ្វើសកម្មភាពគាស់ទ្វារផ្ទះចូលលួចសម្ភារ: របស់ជនរងគ្រោះ ឈ្មោះ ធី ចាន់ដារា ភេទប្រុស អាយុ 38ឆ្នាំ រស់នៅកន្លែងហេតុ។
ដោយឡែកវត្ថុតាងដែលចាប់ដកបានមាន អេក្រង់កុំព្យូទ័រ1 គ្រឿង , ក្បាលបំបែកកាម៉ារាសុវត្ថិភាព 1គ្រឿង , ម៉ូទ័រស្វាន4 និង ម៉ូទ័របុកថ្ម1 ហើយវត្ថុតាងទាំងនេះត្រូវបានប្រគល់ជូនម្ចាស់ដើមវិញ៕
