អហ.កណ្តាល៖ កាលពីវេលាម៉ោង១៩និង១០នាទី ថ្ងៃទី០៨ ខែវិច្ឆិកា ឆ្នាំ២០១៥ នៅចំណុចផ្ទះឈ្មោះ ណែម ជឿន ត្រូវជាប្តីអាយុ៣៥ឆ្នាំ មុខរបរកសិករ និងមានប្រពន្ធឈ្មោះ ដួង ណាវិន អាយុ៣០ឆ្នាំ មុខរបរកសិកររស់នៅភូមិ ក្រាំងគាំ ឃុំ ត្បែង ស្រុក កណ្តាលស្ទឹង ខេត្ត កណ្តាល ត្រូវបានដើមត្នោតបាក់សង្កត់ផ្ទះខូចខាតទាំងស្រុងដោយសារខ្យល់បក់កន្ទ្រាក់។
ផ្ទះប្រជាពលរដ្ឋខាងលើនេះ សាងសង់ពីឈើ លើដំបូលសង្កសីទំហំ ៤ម៉ែត្រ គុណនិង៥ម៉ែត្រ ដោយសរុបជាទឹកប្រាក់
ដែលខូចខាតគឺ៦០០ដុល្លារ ។ បើទោះបីជាយ៉ាងនេះក្តីកងរាជអាវុធហត្ថក្នុងតំបន់បានចុះជួយរើផ្ទះ និងឧបត្តម្ភជាទឹកប្រាក់ចំនួន១០ម៉ឺនរៀលផងដែរ ៕
