ភ្នំពេញៈ នៅវេលាម៉ោង០៨ និង០០នាទីព្រឹក ថ្ងៃទី១០ ខែសីហា ឆ្នាំ២០១៧ នៅសាលប្រតិបត្តិការ អគារសេនាធិការដ្ឋាន នៃបញ្ជាការដ្ឋាន កងរាជអាវុធហត្ថលើផ្ទៃប្រទេស បានកំពុងបើកកិច្ចប្រជុំត្រួតពិនិត្យ លទ្ធផលការងារ កងរាជអាវុធហត្ថ ប្រចាំសប្តាហ៍ទី២ ខែសីហា ឆ្នាំ២០១៧ ក្រោមអធិបតីភាព
ឯកឧត្តម ឧត្តមសេនីយ៍ឯក វង្ស ពិសេន មេបញ្ជាការរង និងជា នាយសេនាធិការ កងរាជអាវុធហត្ថលើផ្ទៃប្រទេស និងដោយមានការអញ្ជើញចូលរួមពីសំណាក់ ឯកឧត្តម ឧត្តមសេនីយ៍ នាយរងសេនាធិការ ស្នងការ ស្នងការរង តំណាងនាយកសាលាទាំង០២ នាយការិយាល័យ មេបញ្ជាការ កងអនុសេនាធំ មេបញ្ជាការ កងអន្តរាគមន៍ មេបញ្ជាការ វរសេនាតូច មេបញ្ជាការ អង្គភាពទាំង០៣ និងនាយអាវុធហត្ថ ដែលមានការពាក់ព័ន្ធសរុបចំនួន៦៦នាក់។

ក្នុងកិច្ចប្រជុំនោះដែរ ឯកឧត្តម ឧត្តមសេនីយ៍ឯក វង្ស ពិសេន ក៏បានថ្លែងនូវការកោតសរសើរ ទៅលើការងារគ្រប់ជំនាញ ជាពិសេស ការងារបង្ក្រាបបទល្មើស ដែលទទួលបានជោគជ័យ ក្នុងការវែកមុខរកជនល្មើស ក្នុងករណីក្លែងបន្លំឯកសណ្ឋាន កងរាជអាវុធហត្ថ ទៅប្រព្រឹត្តអំពើឃាតកម្ម កន្លងមក និងត្រៀមលក្ខណៈក្នុងការងារជួយសង្គ្រោះបងប្អូនប្រជាពលរដ្ឋ នៅពេលដែលជួបបញ្ហាផ្សេងៗ ដែលអាចកើតឡើងជាយថាហេតុ។