អហ.ខេត្តព្រះសីហនុ ៖ នៅវេលាម៉ោង១៥និង៣០នាទី ថ្ងៃទី១១ ខែវិច្ឆិកា ឆ្នាំ២០១៥ កម្លាំងជំនាញខេត្តព្រះសីហនុ បានចុះបង្ក្រាបករណីចែកចាយ និងប្រើប្រាស់គ្រឿងញៀន នៅចំណុចភូមិ០១ សង្កាត់ ០៤ ក្រុង និងខេត្តព្រះសីហនុ ដោយឃាត់ខ្លួនបានជនសង្ស័យចំនួន០៣នាក់ ។
ជនសង្ស័យទាំង០៣នាក់នោះមានឈ្មោះ ១.សុខ ហេង ភេទ ប្រុស អាយុ ៤២ ឆ្នាំ ជនជាតិ ខ្មែរ មុខរបរ ប៉ូលីសបុស្តិ៍រដ្ឋបាលឃុំអណ្តូងថ្ម មានទីលំនៅ ភូមិ+ឃុំ អណ្តូងថ្ម ស្រុក ព្រៃនប់ ខេត្តព្រះសីហនុ ។ ២.ឈ្មោះ ប៉ែន រឹទ្ឋដា ភេទ ប្រុស អាយុ ២៣ ឆ្នាំ ជនជាតិ ខ្មែរ មុខរបរ មិនពិតប្រាកដ មានទីលំនៅក្រុម ៤៦ ភូមិ ០១ សង្កាត់ ០៤ ក្រុង+ខេត្តព្រះសីហនុ ។
៣. ឈ្មោះ ដា ឌឿន ភេទ ប្រុស អាយុ ៣០ ឆ្នាំ ជនជាតិ ខ្មែរ មុខរបរ ជាងដំឡើងធុងបាស មានទីលំនៅក្រុម ៤៦ ភូមិ ០១ សង្កាត់ ០៤ ក្រុង+ខេត្តព្រះសីហនុ ។
វត្ថុតាងដែលចាប់ដកបានមាន ម៉្សៅសថ្លាចំនួន ០១ កញ្ចប់ ដបជក់ចំនួន ០៤ ទូរស័ព្ទដៃចំនួន ០៥ គ្រឿង ប្រាក់ដុល្លាចំនួន ៣០ ដុល្លា ប្រាក់រៀលចំនួន ៥៧៧០០ រៀល រថយន្ត Camry ចំនួន ០១ គ្រឿង (រថយន្ត ខូច ផ្ញើរទុកនៅកន្លែងឆែកឆេរ) ៕
