កំពង់ស្ពឺ: ដោយមើលឃើញពីទុក្ខលំបាក ជាក់ស្តែងរបស់បងប្អូនប្រជាពលរដ្ឋនៅតាមមូលដ្ឋាន នៅព្រឹកថ្ងៃទី១៨ ខែសីហា ឆ្នាំ២០១៧ មន្ត្រីមូលដ្ឋានកងរាជអាវុធហត្ថស្រុកសំរោងទង បាននាំយកអំណោយមនុស្សធម៌ ទៅជូនដល់គ្រួសារប្រជាពលរដ្ឋជួបទុក្ខលំបាកដោយភ្លើងឆេះផ្ទះ មានឈ្មោះ ឡាំ ឡេង ភេទប្រុស អាយុ៤១ ឆ្នាំ ប្រពន្ធឈ្មោះឡូញ សូភី អាយុ៣៨ ឆ្នាំ រស់នៅភូមិត្រពាំងព្រុស ឃុំសំរោងទង ស្រុកសំរោងទង ខេត្តកំពង់ស្ពឺ។

អំណោយដែលត្រូវបានប្រគល់ជូននោះរួមមាន អង្ក២បាវ, មី២កេះ, ទឹកស៊ីអ៊ីវ២យួ, ត្រីខ១០កំប៉ុង និងថវិកាចំនួន ២០០,០០០រៀល។