អហ.ខណ្ឌ៧មករា៖ ជនសង្ស័យម្នាក់បានធ្វើសកម្មភាពលួចកាបូបនារីរងគ្រោះ ត្រូវបានជនរងគ្រោះប្តឹងសមត្ថកិច្ចឲ្យឃាត់ខ្លួន ដោយហេតុការណ៍នេះដែរបានកើតឡើងកាលពីវេលាម៉ោង២០និង៣០នាទី ថ្ងៃទី១៧ ខែវិច្ឆិកា ឆ្នាំ២០១៥នៅចំនុចច្រកជណ្ដើរទី០១ចូលទៅទីលានបាល់ទាត់ពហុកីឡដ្ឋានជាតិអូរឡាំពិក ។
ជនសង្ស័យដែលធ្វើសកម្មភាពលូកយកកាបូបនារីរងគ្រោះនេះមានឈ្មោះ ហង្ស បុត្រ ភេទ ប្រុស អាយុ ២២ មុខរបរជាងកាត់សក់ ស្នាក់នៅផ្ទះ១១Beo ផ្លូវ ២១៣ សង្កាត់វាលវង់ ខណ្ឌ៧មករា ។ ចំណែកនារីរងគ្រោះវិញមានឈ្មោះ ឃឹម ស្រីណាច ភេទ ស្រី អាយុ២៣មុខរបរនិស្សិត ស្នាក់នៅផ្ទះជួលម្ដុំបឹងទំពុន ខណ្ឌមានជ័យ ដោយសម្ភារៈដែលបាត់បង់មាន កាបូបដៃពណ៌ខ្មៅចំនួន០១ក្នងកាបូបមានទូរសព្ឌ័ម៉ាកសាំសុង០១គ្រឿង ។
បើតាមសម្តីជនសង្ស័យបានសារភាពថា នៅវេលាម៉ោងកើតហេតុខាងលើ ខ្លួនបានចូលដល់ស្តាតអូឡាំពិកដើម្បីមើលការប្រកួតបាល់ទាត់ រវាងកម្ពុជា និងជប៉ុន ពេលចូលដល់ច្រកជណ្ដើរទី០១ដោយឃើញកាបូបស្ពាយរបស់ជនរងគ្រោះចំហររូតជនសង្ស័យបានដើរតាមក្រោយធ្វើសកម្មភាពលូកដៃយកកាបូបដៃពណ៌ខ្មៅក្នុងកាបូបស្ពាយរបស់ជនរងគ្រោះទៅលាក់ទុកក្នុងអាវរបស់ខ្លួន តែសំណាងអាក្រក់ត្រូវបានជនរងគ្រោះប្តឹងសមត្ថកិច្ចនៅទីនោះ ឲ្យចាប់ខ្លួនតែម្តង ។
សម្រាប់សម្ភារៈ និងកាបូប សមត្ថកិច្ចជំនាញបានប្រគល់ឲ្យនារីជាជនរងគ្រោះវិញ ហើយជនសង្ស័យបានបញ្ចូនទៅកាន់កងរាជអាវុធហត្ថខណ្ឌ៧មករា ដើម្បីចាត់ការទៅតាមផ្លូវច្បាប់ ៕
