អហ.ដូនពេញ៖ នៅថ្ងៃទី១៨ ខែវិច្ឆិកា ឆ្នាំ២០១៥ វេលាម៉ោង២៣និង១៥នាទី នៅចំណុចផ្លូវ៥១ មុខផ្សារសុរិយាម៉ល សង្កាត់ផ្សារថ្មីទី៣ សង្កាត់ដូនពេញ បង្រ្កាបនិងឃាត់ខ្លួនជនសង្ស័យចំនួន០២នាក់ ករណីចែកចាយគ្រឿងញៀន ។
ជនសង្ស័យដែលសមត្ថកិច្ចឃាត់ខ្លួនបានឈ្មោះ ពេជ្រ ប៊ុនធី ហៅ បុត្រ ភេទប្រុស អាយុ២៨ឆ្នាំ មុខរបរនិងទីលំនៅមិនពិតប្រាកដ (ជាម្ចាស់ម៉ូតូ)និង ឈ្មោះ សៀវ ភារម្យ ហៅអាគោ ភេទប្រុស អាយុ២៧ឆ្នាំ ស្នាក់នៅផ្ទះជួលម្តុំសំណង់ សង្កាត់ទឹកល្អក់ទី២ ខណ្ឌទួលគោក (ជាម្ចាស់ថ្នាំ)។
វត្ថុតាងដែលចាប់ដកបានមាន ក្រាមពណ៏សថ្លា ចំនួន០២កញ្ចប់តូច ម៉ូតូចំនួន០១គ្រឿង ម៉ាកស៊ុយស៊ូគីលេត ពណ៏ស ពាក់ស្លាកលេខ ភ្នំពេញ 1CJ:3947 ទូរស័ព្ទណូគា ចំនួន០២គ្រឿង ។
បើតាមសម្តីជនសង្ស័យបានឆ្លើយប្រាប់ថា ថ្នាំទាំង០២កញ្ចប់នេះពួកគេយកពីប្លុកបឹងឈូក មុខពេទ្យលោកសង្ឃ យកពីឈ្មោះ រ៉ា ហើយយកមកលក់បន្តអោយឈ្មោះ វុធ នៅមុខផ្សារសុរិយាម៉ល ហើយថ្នាំ០២កញ្ចប់នេះទិញមកក្នុងតំលៃ៤៥$៕
