អហ.ដូនពេញ៖ កាលពីវេលាម៉ោង២២និង១៥នាទី ថ្ងៃទី១៩ ខែវិច្ឆិកា ឆ្នាំ២០១៥ នៅចំណុចផ្លូវលេខ១៧៨ កែងផ្លូវ៥១ សង្កាត់ផ្សារថ្មី៣ កងរាជអាវុធហត្ថខណ្ឌបានបង្ក្រាបនិងឃាត់ខ្លួនជនសង្ស័យចំនួន០៣នាក់ លើករណីប្រើប្រាស់អាវុធដោយខុសច្បាប់ (ដាវនិងកាំបិតប័ងតោ)និងសង្ស័យករណីកាច់កម៉ូតូ ផងដែរ។
ជនសង្ស័យដែលកម្លាំងជំនាញឃាត់ខ្លួនបាននេះមាន៖ ១.ឈ្មោះ ជា ហៃ ភេទប្រុស អាយុ៣០ឆ្នាំ មុខរបរនិងទីលំនៅមិនពិតប្រាកដ ជាម្ចាស់ដាវនិងសោកាច់កម៉ូតូ ។២.ឈ្មោះ កង វិនណា ហៅវី ភេទប្រុស អាយុ២៦ឆ្នាំ មុខរបរមិនពិតប្រាកដ ស្នាក់នៅផ្ទះជួលផ្លូវ១៥៤ ភូមិ១០ សង្កាត់ផ្សារថ្មី៣ ខណ្ឌដូនពេញ។៣.ឈ្មោះ សំ ណារិទ្ធ ភេទប្រុស អាយុ២៧ឆ្នាំ មុខរបរនិងទីលំនៅមិនពិតប្រាកដ ជាម្ចាស់កាំបិតប័ងតោ។
វត្ថុតាងដែលចាប់ដកបានមាន ដាវ ចំនួន ០១ ដើម កាំបិតប័ងតោចំនួន០១ដើម សោកាច់កម៉ូតូ ចំនួន០១ ដែកសំរាប់ឆ្កឹះសោ ចំនួន០១ ទូរស័ព្ទមិតហ្វូន ចំនួន០១គ្រឿង ដែកកេះចំនួន០២ សោធ្វើឡានលេខ២៤ ចំនួន០២ដើម លុយក្លែងក្លាយចំនួន៥០ដុល្លារ៕
