អហ ក្រចេះ៖ នៅព្រឹក វេលាម៉ោង៨និង៣០នាទី ថ្ងៃទី២៧ ខែកក្កដា ឆ្នាំ២០១៥ នៅបញ្ជាការដ្ឋានកងរាជអាវុធហត្ថខេត្តក្រចេះ បានប្រារព្ធពិធីខួបអនុស្សាវរីយ៍លើកទី២២ ថ្ងៃកំណើតកងរាជអាវុធហត្ថ (១៤ កក្កដា ១៩៩៣—១៤ កក្កដា ២០១៥) ក្រោមអធិបតីភាព ឯកឧត្តម ឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្តក្រចេះ និងមានការចូលរួមពីសំណាក់ លោក វរសេនីយ៍ មេបញ្ជាការរង ប្រធានមន្ទីរ នាយរងសេនាធិការ អនុប្រធានមន្ទីរ នាយការិយាល័យ ព្រមទាំងនាយ ពលអាវុធហត្ថជាច្រើនរូបទៀត។ ក្នុងពិធីនេះដែរ លោក មេបញ្ជាការបានចែកអំណោយដល់គ្រួសារអាវុធហត្ថពលី មរណៈ, អាវុធហត្ថមានជំងឺ និងអាវុធហត្ថមានជីវភាពខ្វះខាត់ ចំនួន៤៧គ្រួសារ ក្នុងមួយ គ្រួសារទទួលបាន អង្ករ២២Kg, មី០១កេស, ទឹកត្រី០១យួរ, ប៊ីចេង០,៥០kg, សារុង០១ថវិកា ១០០.០០០រៀល។
