អហ.ខណ្ឌដូនពេញ៖ នៅចំណុចតូបលក់ត្រីក្នុងផ្សារកណ្តាល ផ្លូវ១៤៨កែងលេខ៥ សង្កាត់ផ្សារកណ្តាល១ កាលពីវេលាម៉ោង២៣និង៤៥នាទី ថ្ងៃទី២៣ ខែវិច្ឆិកា ឆ្នាំ២០១៥ កងកម្លាំងកងរាជអាវុធហត្ថខណ្ឌដូនពេញបានឃាត់ខ្លួនជនសង្ស័យ ចំនួន០៣នាក់ ពាក់ព័ន្ធនិងករណីប្រើប្រាស់គ្រឿងញៀន។
ជនសង្ស័យដែលសមត្ថកិច្ចឃាត់ខ្លួនបានមានឈ្មោះ ពេជ្រ រដ្ឋា ភេទប្រុស អាយុ២៦ឆ្នាំ មុខរបរ បុគ្គលិកអនាម័យផ្សារកណ្តាល ស្នាក់នៅក្នុងផ្សារកណ្តាល២.ឈ្មោះ ម៉ន សុជា ភេទប្រុស អាយុ២១ឆ្នាំ មុខរបរក្មេងវត្ត ស្នាក់នៅវត្តឧណ្ណាឡោម និង ៣.ឈ្មោះ សា កេថង ភេទប្រុស អាយុ២១ឆ្នាំ មុខរបរមិនពិតប្រាកដ ស្នាក់នៅផ្ទះជួលម្តុំទួលសង្កែ។
វត្ថុតាងដែលដកបានមាន កូនកាំបិតចំនួន ០៤ដើម កាំប័ងតោ ចំនួន០៣ដើម បៀចំនួន ០៣ហ៊ូរ ទូរស័ព្ទចំនួន ០៣គ្រឿង ម៉ូតូ០១គ្រឿង ម៉ាកនិច ពណ៏ លេខ1BV:៦៤៧៩ ដែកកេះចំនួន០៥ និងសំភារះសំរាប់សេពគ្រឿងញៀនមួយចំនួន។
ដោយឡែក០១ករណីទៀត ឈានចូលព្រឹកថ្ងៃទី២៤ ខែវិច្ឆិកា ឆ្នាំ២០១៥ វេលាម៉ោង០១និង២០នាទី នៅចំណុចផ្លូវ៥១កែង១៨៤ សង្កាត់ផ្សារថ្មី៣ កងរាជអាវុធហត្ថខណ្ឌដូនពេញ បានឃាត់ខ្លួនជនសង្ស័យម្នាក់ជនជាតិ អាម៉េរិកឈ្មោះ MICHIL RYAN អាយុ ៦៧ ឆ្នាំសេពគ្រឿងញៀន ។ជនរូបនេះមានមុខរបរមិនពិតប្រាកដ ស្នាក់នៅផ្ទះជួលផ្លូវ២០០ ជាន់ទី៤ សង្កាត់បឹងរាំង ខណ្ឌដូនពេញ ។
វត្ថុតាងដែលចាប់ដកបានមាន ក្រាមសថ្លាចំនួន០២កញ្ចប់តូច ញ្ជីងថ្លឹង ចំនួន០១គ្រឿង ទូរស័ព្ទចំនួន០១គ្រឿង លុយចំនួន០៤ដុល្លានិង១០០០រៀល កូនសោផ្ទះ មួយចង្កោម ៕
