ឧត្តរមានជ័យ : នៅព្រឹកថ្ងៃទី១៨ ខែកញ្ញា ឆ្នាំ២០១៧ ឯកឧត្តម ឧត្តមសេនីយ៍ត្រី ឃួន សារុន មេបញ្ជាការរង កងរាជអាវុធហត្ថខេត្តឧត្តរមានជ័យ បានដឹកនាំមន្ត្រី ចំណុះបញ្ជាការដ្ឋាន កងរាជអាវុធហត្ថខេត្តឧត្តរមានជ័យ អញ្ជើញចុះជួបសំណេះសំណាល សួរសុខទុក្ខ លោក អនុសេនីយ៍ឯក ម៉ន សារ៉េត ជំនួយការ ការិយាល័យបុគ្គលិក ដែលមានជំងឺប្រចាំកាយ ដល់លំនៅដ្ឋាន ដែលស្ថិតនៅ ភូមិ អភិវឌ្ឍន៍ សង្កាត់អូរស្មាច់ ក្រុងសំរោង ខេត្តឧត្តរមានជ័យ និងបាននាំយកនូវសម្ភារ: មួយចំនួនមាន អង្ករ ១ការុង ភេសជ្ជៈប៉ូវកំលាំង ១ កន្រ្តក និងថវិការ ១០០.០០០៛ ( ដប់ម៉ឺនរៀលគត់ ) ។

ឯកឧត្តម ឧត្តមសេនីយ៍ត្រី ឃួន សារុន ក៏បានពាំនាំការសួរសុខទុក្ខ និងការជូនពរក្នុងឱកាសបុណ្យភ្ជុំបិណ្ឌ ប្រពៃណីជាតិខ្មែរ ពីសំណាក់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជា មេបញ្ជាការ កងរាជអាវុធហត្ថលើផ្ទៃប្រទេស និងការសួរសុខទុក្ខពី ឯកឧត្តម ឧត្តមសេនីយ៍ត្រី ពុទ្ធ សារ៉ាន មេបញ្ជាការ កងរាជអាវុធហត្ថខេត្តឧត្តរមានជ័យ ផងដែរ។