បន្ទាយមានជ័យៈ ឃាត់ខ្លួនជនសង្ស័យម្នាក់ ក្នុងករណីជួញដូរគ្រឿងញៀនម៉ាទឹកកកចំនួន០៥កូនថង់តូច ត្រូវបានបញ្ជូនទៅសាលាដំបូងខេត្តបន្ទាយមានជ័យ ចាត់ការតាមច្បាប់ នៅថ្ងៃទី២៥ ខែកញ្ញា ឆ្នាំ២០១៧នេះ។

តាមការឱ្យដឹងពីមន្ត្រីកងរាជអាវុធហត្ថខេត្តបន្ទាយមានជ័យ បានប្រាប់ឲ្យដឹងថា ជនសង្ស័យដែលឃាត់ខ្លួននោះមានឈ្មោះ ពៅ សម្បត្តិ ហៅតឿ ភេទប្រុស អាយុ១៩ឆ្នាំ រស់នៅភូមិ/សង្កាត់.ក្រុងប៉ោយប៉ែត ខេត្តបន្ទាយមានជ័យ។

មន្ត្រីដដែលបានបន្តទៀតថា នៅពេលដែលឃាត់ខ្លួនជនសង្ស័យ គឺកម្លាំងមូលដ្ឋាន កងរាជអាវុធហត្ថក្រុងប៉ោយប៉ែត បានធ្វើការស្រាវជ្រាវហើយកំណត់មុខសញ្ញាបាន រហូតឈានដល់ការឃាត់ខ្លួន និងដកហូតវត្ថុតាងគ្រឿងញៀនប្រភេទមេតំហ្វេតាមីន ហៅម៉ាទឹកកកចំនួន០៥កូនថង់តូច ស្មើរ២,៩១ក្រាម និងទូរស័ព្ទដៃ០១គ្រឿង ដុំសាកថ្ម០១ ដែលបង្ក្រាបបាននៅវេលាម៉ោង៤,៣០នាទី ថ្ងៃទី២៣ ខែកញ្ញា ឆ្នាំ២០១៧ នៅចំណុចផ្សារមង្គលស្ថិតភូមិ/សង្កាត់/ក្រុងប៉ោយប៉ែត ខេត្តបន្ទាយមានជ័យ។

ជនសង្ស័យ និងវត្ថុតាង ត្រូវបានសមត្ថកិច្ចជំនាញ បានកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមច្បាប់៕