កណ្តាលៈ នៅវេលាម៉ោង០៨ និង០០នាទីព្រឹក ថ្ងៃទី២៧ ខែសីហា ឆ្នាំ២០១៧ កម្លាំងមូលដ្ឋាន កងរាជអាវុធហត្ថស្រុកលើកដែក សហការជាមួយ កម្លាំងចម្រុះ បានធ្វើការបង្ក្រាបបទល្មើសនេសាទ ចំនួន០១លើក ស្ថិតនៅចំណុចឃុំព្រែកទន្លាប់ និងឃុំកំពង់ភ្នំ ស្រុកលើកដែក ខេត្តកណ្តាល។

នេះបើតាមការឳ្យដឹងពី មន្ត្រីមូលដ្ឋាន កងរាជអាវុធហត្ថស្រុកលើកដែក បានឳ្យដឹងថា ក្នុងប្រតិបត្តិការបង្ក្រាបបទល្មើសនេសាទខាងលើនេះផងដែរ កម្លាំងកងរាជអាវុធហត្ថ ក៏បានធ្វើការចាប់យក វត្ថុតាងមួយចំនួនរួមមានៈ
០១. លូស្បៃមុង ចំនួន៦៧មាត់លូ
០២. របាំងស្បៃមុង ចំនួន៣៣៥០ម៉ែត្រ
០៣. បង្គោលចំរ៉ឹង ចំនួន ៣០០០ ដើម
០៤. កូនត្រីចំរុះ ចំនួន២០០គីឡូ។

វត្ថុតាង ត្រូវបានមន្ត្រីជំនាញកងរាជអាវុធហត្ថ ប្រគល់ជូនមន្ត្រីជំនាញរដ្ឋបាលជលផល ដើម្បីដុតបំផ្លាញចោល។ ចំណែកកូនត្រីចំរុះ ត្រូវបានប្រលែងចូលក្នុងទន្លេវិញ។