កំពតៈ នៅវេលាម៉ោង១៨ និង៣០នាទីល្ងាច ថ្ងៃទី០៣ ខែតុលា ឆ្នាំ២០១៧ កម្លាំងមូលដ្ឋាន កងរាជអាវុធហត្ថស្រុកកំពង់ត្រាច បានធ្វើការបង្ក្រាបករណីរក្សាទុក និងចែកចាយនូវសារធាតុញៀនចំនួន០១លើក ស្ថិតនៅចំណុចភូមិលក់ ឃុំឬស្សីស្រុកខាងលិច ស្រុកកំពង់ត្រាច ខេត្តកំពត ដោយឃាត់ខ្លួនជនសង្ស័យចំនួន០៤នាក់។

នេះបើតាមការឱ្យដឹងពី មន្ត្រីមូលដ្ឋាន កងរាជអាវុធហត្ថស្រុកកំពង់ត្រាច បានឱ្យដឹងថា ជនសង្ស័យ ដែលត្រូវបាន កម្លាំងកងរាជអាវុធហត្ថ ធ្វើការឃាត់ខ្លួននោះរួមមានឈ្មោះៈ
១. មាស រ៉ី ភេទប្រុស អាយុ២៧ឆ្នាំ មុខរបរមិនពិតប្រាកដ រស់នៅភូមិរបងក្រាស់ ឃុំកំពង់ត្រាច ស្រុកកំពង់ត្រាច ខេត្តកំពត
២. អ៊ិន តាំងឆែ ភេទប្រុស អាយុ២៧ មុខរបរមិន ពិតប្រាកដ រស់នៅភូមិកោះក្តូក ឃុំកោះក្លូក ស្រុកកំពង់ត្រាច ខេត្តកំពត
៣. សុខ លីដា ភេទស្រី អាយុ២៥ឆ្នាំ មុខរបរគ្មាន រស់ភូមិវិមាន សង្កាត់ក្រាំងធ្នង់ ខណ្ឌពោធ៍សែនជ័យ រាជធានីភ្នំពេញ
៤. ឆោម ពិសី ភេទប្រុស អាយុ២៣ឆ្នាំ មុខរបរមិនពិតប្រាកដ រស់នៅភូមិ ត្នោត ឃុំកោះធ្លកស្រុកកំពង់ត្រាច ខេត្តកំពត។

មន្ត្រីដដែល បានបន្តឱ្យដឹងទៀតថា ក្នុងការឃាត់ខ្លួនជនសង្ស័យខាងលើនេះផងដែរ កម្លាំងកងរាជអាវុធហត្ថ ក៏បានធ្វើការចាប់យកនូវវត្ថុតាងមួយចំនួន ពីជនសង្ស័យរួមមានៈ
១. ថ្នាំញៀនប្រភេទម៉ាទឹកកក ចំនួន២៣កញ្ចប់ ដែលមានទម្ងន់ ១៥.៨០ក្រាម
២. ជញ្ជីងថ្លឹងគ្រឿងញៀន ចំនួន១គ្រឿង។
៣. ទូរសព្ទ័ដៃ ចំនួន៣គ្រឿង
៤. លិខិតឆ្លងដែនមួយច្បាប់
៥. ឧបករណ៍ជក់គ្រឿងញៀន ១សម្រាប់ និងថង់ច្រកគ្រឿងញៀន១ចំនួនធំ។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្ត តាមនីតិវិធី។