អហ.សែនសុខ+ភ្នំពេញ៖ កម្លាំងកងរាជអាវុធហត្ថខណ្ឌសែនសុខ បានសហការជាមួយនិងកម្លាំងកងរាជអាវុធហត្ថរាជធានីភ្នំពេញ បានចុះបង្ក្រាបករណីគ្រឿងញៀនមួយ កន្លែង ដោយឃាត់ខ្លួនជនសង្ស័យម្នាក់ កាលពីវេលាម៉ោង១៧និង០០នាទី ថ្ងៃទី០៤ ខែធ្នូ ឆ្នាំ២០១៥ ។
បើយោងតាមសេចក្តីរាយការណ៍ ពីកម្លាំងជំនាញបានឲ្យដឹងថា ជនសង្ស័យដែលសមត្ថកិច្ចឃាត់បានមានឈ្មោះ អ៊ុំ នី ភេទប្រុសអាយុ29ឆ្នាំ ជាអ្នកចែកចាយគ្រឿងញៀន ស្នាក់នៅ សង្កាត់ស្រះចក ខណ្ឌដូនពេញ ។ ជនរូបនេះត្រូវបានឃាត់ខ្លួននៅត្រង់ចំណុច ផ្លូវសហព័ន្ធ ក្បែរសួនក្តាន់ពីរ ហើយបានចាប់ដកគ្រឿងញៀន ម៉្សៅក្រាមពណ៌សមួយកញ្ចប់ ។
ជនសង្ស័យខាងលើបច្ចុប្បន្នត្រូវបានកម្លាំងជំនាញ បញ្ចូនបន្តដើម្បីចាត់ការទៅតាមផ្លូវច្បាប់៕
