អហ.រតនៈគិរី៖ កម្លាំងកងរាជអាវុធហត្ថខេត្តរតនៈគិរី បានឃាត់ខ្លួនជនសង្ស័យម្នាក់ ដឹកជញ្ចូនឈើ ដោយខុសច្បាប់ កាលពីវេលាម៉ោង១០និង១២ ថ្ងៃទី០៨ ខែធ្នូ ឆ្នាំ២០១៥ ។
តាមសមត្ថកិច្ចជំនាញបានរាយការណ៍ឲ្យដឹងថា «ជនសង្ស័យដែលឃាត់ខ្លួនបានមានឈ្មោះ សៅ ភេទ ប្រុស អាយុ 29 ឆ្នាំ មានទីលំនៅភូមិ កាចូនក្រោមឃុំកាចូន ស្រុកវើនសៃ ខេត្តរតនគិរី ដឹកជញ្ជូនឈើតាមរថយន្ត Land Cruiser ពាក់ស្លាកលេខ ខម 2-6333 បានធ្វើដំណើរ ពីស្រុកកូនមុំ ឆ្ពោះមកខេត្ត ដោយផ្ទុកឈើនាងនួនចំនួន 24 ដុំ» ។
បច្ចុប្បន្នជនសង្ស័យត្រូវបានកម្លាំងកងរាជអាវុធហត្ថខេត្តបញ្ជូនទៅខណ្ឌរដ្ឋបាលព្រៃឈើ ខេត្តរតនៈគិរី ចាត់ការទៅតាមផ្លូវច្បាប់៕
