កំពង់ចាម៖ វេលាម៉ោង ៨ និង ០០ នាទី ថ្ងៃទី២០ ខែតុលា ឆ្នាំ២០១៧  ដោយបានការអនុញ្ញាតពីលោកព្រះរាជអាជ្ញាអមសាលាដំបូងខេត្តកំពង់ចាម កម្លាំងជំនាញកងរាជអាវុធហត្ថខេត្ត បានសហការជាមួយកំលាំងមូលដ្ឋានកងរាជអាវុធហត្ថស្រុកព្រៃឈរ  ចុះបង្រ្កាបករណីគ្រឿងញៀន និងកាន់កាប់អាវុធដោយខុសច្បាប់ ដោយឃាត់ខ្លួនជនសង្ស័យបានចំនួន ០៥ នាក់ដែលជាបន្តបន្ទាប់រូមមាន៖

១-ឈ្មោះ ច្រឹង គីមហួរ ភេទប្រុស អាយុ ២៥ ឆ្នាំ ជនជាតិខ្មែរ រស់នៅភូមិអូរតាថុក ឃុំថ្មពូន ស្រុកព្រៃឈរ ខេត្តកំពង់ចាម

២-ឈ្មោះ ពោន រដ្ឋា  ភេទស្រី  អាយុ ២៤ ឆ្នាំ រស់នៅភូមិទី៦ សង្កាត់វាលវង់ ក្រុងកំពង់ចាម ខេត្តកំពង់ចាម។

៣-ឈ្មោះ ជា វលក្ខ័ ភេទប្រុស  អាយុ ២៥ ឆ្នាំ ជនជាតិខ្មែរ រស់នៅភូមិអណ្តូងតាណឹង ឃុំថ្មពូន ស្រុកព្រៃឈរ ខេត្តកំពង់ចាម

៤-ឈ្មោះ សន បូរី ភេទ ប្រុស អាយុ ២៥ ឆ្នាំ រស់នៅភូមិត្រពាំងបឹង ឃុំថ្មពូន  ស្រុកព្រៃឈរខេត្តកំពង់ចាម

៥-ឈ្មោះ ជា កក្កដា ប្រុស អាយុ ២២ ឆ្នាំ ជនជាតិខ្មែរ ស្នាក់នៅភូមិស្រះបន្ទាយ ឃុំជ្រនាង ស្រុកបារាយណ៍ ខេត្តកំពង់ធំ។

?+វត្ថុតាងចាប់យករួមមាន :

១-ម្សៅក្រាមពណ៍ស ចំនួន ០២ កញ្ចប់ទម្ងន់ ១,៨៧ ក្រាម

២-ទូរស័ព្ទដៃ ០២គ្រឿង

៣-កាំភ្លើង AK47 កាត់ស្វាយ កាត់កាណុងចំនួន ០១ដើម

៤-ដាវចំនួន ​០២ដើម និងសម្ភារៈសម្រាប់សេពគ្រឿងញៀនមួយចំនួនទៀត។

ជនសង្ស័យរួមនឹងវត្ថុតាងត្រូវបានកម្លាំងជំនាញកសាងសំណុំរឿងបញ្ជូនទៅសាលាដំបូងខេត្ត។