ស្ទឹងត្រែង៖ នៅវេលាម៉ោង១៩ និង១០នាទី ថ្ងៃទី២៥ ខែតុលា ឆ្នាំ២០១៧ កម្លាំងជំនាញកងរាជអាវុធហត្ថខេត្តស្ទឹងត្រែង សហការណ៍ជាមួយរដ្ឋបាលព្រៃឈើ បង្ក្រាបករណី ដឹកជញ្ជូនផល អនុផលព្រៃឈើ ដោយគ្មានលិខិតអនុញ្ញាត ត្រង់ចំណុច ភូមិកោះសំពាយ ឃុំកោះសំពាយ ស្រុកសៀមបូក ខេត្តស្ទឹងត្រែង។
ដោយចាប់ឃាត់រថយន្តដឹកឈើចំនួន០២គ្រឿង៖
១-ម៉ាកហាយឡែនឌ័រ ពណ៌ខ្មៅ គ្មានស្លាកលេខ ដឹកឈើប្រភេទធ្នង់៧៨ដុំ មិនទាន់វ៉ាស់វែង អ្នកបើកបរឈ្មោះ ទេព ផាន់ណា ហៅ ម៉ៅ ភេទប្រុស អាយុ២២ឆ្នាំ ជនជាតិខ្មែរ ផ្ទះនៅភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង។
២-ម៉ាកហាយឡែនឌ័រ ពណ៌ខ្មៅ គ្មានស្លាកលេខ ដឹកឈើប្រភេទនាងនួន៣៣ដុំ និងប្រភេទធ្នង់១០ដុំ មិនទាន់វ៉ាស់វែង អ្នកបើកបរគេចខ្លួន។
បច្ចុប្បន្នជនសង្ស័យ រួមនឹងវត្ថុតាងប្រគល់ឱ្យរដ្ឋបាលព្រៃឈើ ដើម្បីបន្តនីតិវិធី៕
