អហ.បន្ទាយមានជ័យ៖ ព្រឹកថ្ងៃទី១៣ នៅសាកលវិទ្យល័យមានជ័យស្ថិតក្នុងភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ កងរាជអាវុធហត្ថខេត្តបន្ទាយមានជ័យបានរៀបចំបើកការប្រកួតបាល់ទាត់ដណ្តើមពានរង្វាន់យុវជនខេត្តបន្ទាយមានជ័យ ប្រចាំឆ្នាំ២០១៦ ក្រោមឯកឧត្ដម គោ ស៊ុំសារឿត អភិបាលខេត្តបន្ទាយមានជ័យ លោក វរៈសេនីយ៍ឯក វង្ស ធី មេបញ្ជាការរងកងរាជអាវុធហត្ថខេត្តបន្ទាយមានជ័យតំណាងលោក ឧត្តមសេនីយ៍ត្រី ឱ បូរិន្ទ មេបញ្ជាការកងរាជអាវុធហត្ថខេត្តបន្ទាយមានជ័យមន្ត្រីកិត្តិយសនិងអ្នកចូលទស្សនាជាច្រើនរយនាក់ទៀត។លោកវរ:សេនីយ៍ឯក វង្ស ធីបានមានប្រសាសន៍ក្នុងការបើកប្រកួតព់បាល់ទាត់នោះថាជារៀងរាល់ឆ្នាំកងរាជអាវុធហត្ថខេត្តបន្ទាយមានជ័យតែងតែរៀបចំបើកនិងបិទការប្រកួតបាល់ទាត់ដណ្តើមពានរង្វាន់យុវជនខេត្តបន្ទាយមានជ័យមិនដែលខាន ដើម្បីចូលរួមចំណែកលើកស្ទួយវិស័យកីឡាបាល់ទាត់ក្នុងខេត្តបន្ទាយមានជ័យឲ្យល្បីរន្ទឺក្នុងព្រះរាជជាណាចក្រកម្ពុជាយើងនេះ។លោកវរ:សេនីយ៍ឯក វង្ស ធី បានមានប្រសាសន៍បន្តទៀតថា កីឡាបាល់ទាត់គឺជាការបណ្តុះបណ្តាលធនធានមនុស្សតាមរយះការបំផុសដល់ស្រទាប់យុវវ័យគ្រប់មូលដ្ឋាន គ្រប់មជ្ឈដ្ឋានសិក្សាឲ្យងាកមកចាប់អារម្មណ៍យកពេលទំនេរពីការសិក្សាចូលហ្វឹកហាត់បច្ចេកទេសកីឡាបាល់ទាត់នេះ។ក្នុងនេះដែរឯកឧត្ដម គោ ស៊ុំសារឿត បានធ្វើការផ្តាំផ្ញើដល់ក្មួយៗនិងយុវជនទាំងអស់សូមជៀសឲ្យឆ្ងាយពីគ្រឿងញៀនហើយត្រូវងាកមកចាប់អារម្មណ៍ចូលរួមជាមួយវិស័យកីឡាជាពិសេសកីឡាបាល់ទាត់ឲ្យបានគ្រប់ៗគ្នាព្រោះកីឡានាំមកនូវមិត្តភាព សាមគ្គីភាព សុខភាព កេរ្តិ៍ឈ្មោះ កិត្តិយសខ្លួន ក្រុមគ្រួសារ និងប្រទេសជាតិមាតុភូមិជាដើម។គួបញ្ជាក់ផងដែរថាការប្រគួតបាល់ទាត់ដណ្តើមពានរង្វាន់យុវជនខេត្តបន្ទាយមានជ័យប្រចាំឆ្នាំ២០១៦នេះមានរយះពេលពេញ១ខែចាប់ពីថ្ងៃទី១៣ ខែធ្នូដល់១៣ ខែមករា ឆ្នាំ២០១៦ ដែលមានក្រុមកីឡាបាល់ទាត់ចូលរួមប្រកួតមានចំនួន៩ក្រុម៕​