ស្វាយរៀង៖ ល្ងាចថ្ងៃទី២៧ ខែតុលា ឆ្នាំ២០១៧ លោកវរសេនីយ៍ឯក អ៊ាង ភារៈ មេបញ្ជាការរង និងជានាយសេនាធិការ តំណាងលោកឧត្តមសេនីយ៍ត្រី វ៉ា សារិទ្ធ មេបញ្ជាការកងរាជអាវុធហត្ថខេត្តត្បូងឃ្មុំ បានដឹកនាំក្រុមការងារកងរាជអាវុធហត្ថខេត្ត ចុះសំណេះសំណាល និងសួរសុខទុក្ខដល់ក្រុមកីឡាករ ចំណុះទូក ត្បូងឃ្មុំសែនជ័យបារមីស្តេចកន ជាទូករបស់បញ្ជាការដ្ឋានកងរាជអាវុធហត្ថខេត្តត្បូងឃ្មុំ ដែលនឹងចូលរួមប្រកួតក្នុងពិធីប្រណាំងទូកនៅទន្លេវ៉ៃកូ ខេត្តស្វាយរៀង នាថ្ងៃទី២៨ ខែតុលា ឆ្នាំ២០១៧ ថ្ងៃស្អែកនេះ។

ក្នុងឱកាសនោះ ក្រុមការងារក៏បាននាំយកនូវអង្ករចំនួន ១តោន មី ៤០កេស ត្រីខ ៤០យួរ ទឹកក្រូច ២០កេស អាវ និងមួក ៤០សម្រាប់ និងគ្រឿងឧបភោគ បរិភោគមួយចំនួនទៀតទៅជូនដល់ក្រុមកីឡាករទាំងអស់ និងបានឧបត្ថម្ភដល់កីឡាករអុំទូកចំនួន ៤០នាក់ ដោយម្នាក់ៗទទួលបានថវិកាចំនួន ១០០ ០០០៛ (១សែនរៀល) ផងដែរ៕