អហ.ខណ្ឌមានជ័យ ៖នៅវេលាម៉ោង១៨និង០០នាទី ល្ងាចថ្ងៃទី១៥ ខែធ្នូ ឆ្នាំ២០១៥ កន្លងទៅនេះ កម្លាំងកងរាជអាវុធហត្ថខណ្ឌមានជ័យ បានឃាត់ខ្លួនមុខសញ្ញាចោរប្លន់ម្នាក់ ត្រង់ ចំណុច ហ្គារ៉ាស់សាំង តេលាភូមិចំរើនផល សង្កាត់បឹងទំពុន ខណ្ឌមានជ័យ រាជធានីភ្នំពេញ។
ជនសង្ស័យដែលកម្លាំងជំនាញឃាត់ខ្លួនបានមានឈ្មោះ ឃឿន វឌ្ឃនះ ហៅអាពីរ ហៅអាស្នា ភេទប្រុស អាយុ១៦ឆ្នាំ មុខរបរមិនពិតប្រាកដស្នាក់នៅផ្ទះលេខ៣៦៧ ភូមិព្រែកទាល់សង្កាត់ស្ទឹងមានជ័យ ខណ្ឌមានជ័យ ។
ប្រភពព័ត៌មានពីសមត្ថកិច្ចបានឲ្យដឹងថា ជនសង្ស័យដែលកម្លាំងជំនាញឃាត់ខ្លួនបាននោះ ជាពក្ខពួកជនល្មើស ដែលធ្វើសកម្មភាពប្លន់យ៉ាងសកម្ម ក្នុងរាជធានីភ្នំពេញ ។ ក្នុងប្រតិបតិ្តការណ៍ នេះសមត្ថកិច្ចបាន ចាប់ដកហូតម៉ូតូចំនួន០១គ្រឿងម៉ាកសេ១២៥ ពណ៍ខ្មៅ សេរីឆ្នាំ២០១៦ពាកស្លាកលេភ្នំពេញ 1FM: ១៧៣៨ ។បច្ចុប្បន្នជនសង្ស័យបានបញ្ជូនទៅកាន់បញ្ជាការដ្ឋានកងរាជអាវុធហត្ថភ្នំពេញ ដើម្បីសួរនាំ ៕
