អហ.ដូនពេញ៖ កាលពីវេលាម៉ោង១៥និង៤៥នាទី ថ្ងៃទី១៥ ខែធ្នូ ឆ្នាំ២០១៥ នៅចំណុចក្រោយកាស៊ីណូណាហ្កា សង្កាត់ទន្លេបាសាក់ ខណ្ឌចំការមន កម្លាំងកងរាជអាវុធហត្ថដូនពេញ បានបង្ក្រាប និងឃាត់ខ្លួនជនសង្ស័យម្នាក់ ពីបទលួចរថយន្ត ។
ជនសង្ស័យដែលកម្លាំងជំនាញឃាត់ខ្លួនបានមានឈ្មោះ ហេង ថៃ ភេទប្រុស អាយុ២៥ឆ្នាំ មុខរបរមិនពិតប្រាកដ ស្នាក់នៅផ្ទះលេខ១៩៨ ខណ្ឌ៧មករា ភ្នំពេញ ដោយបានលួចរថយន្ត រ៉េងរ៉ូវ័រ ពណ៏ប្រផេះ ពាក់ស្លាកលេខភ្នំពេញ 2AD:2622 កាលពីថ្ងៃទី២៤ ខែវិច្ឆិកា ឆ្នាំ២០១៥ នៅចំនុចហាងម៉ាស្សាឡាក់គី សង្កាត់បឹងរាំង ខណ្ឌដូនពេញ ។
បច្ចុប្បន្នជនសង្ស័យ និងវត្ថុតាង ត្រូវបានសមត្ថកិច្ចជំនាញ បញ្ជូនបន្តដើម្បីចាត់ការទៅតាមផ្លូវច្បាប់៕
