បាត់ដំបង៖ នៅថ្ងៃទី១៣ ខែវិច្ឆិកា ឆ្នាំ២០១៧ កម្លាំងមូលដ្ឋានកងរាជអាវុធហត្ថក្រុងបាត់ដំបង បានធ្វើការបង្ក្រាបករណីជូញដូរ និងប្រើប្រាស់គ្រឿងញៀន នៅចំណុចមុខផ្ទះសំណាក់ ហូលីដេ ស្ថិននៅក្នុងភូមិ២០ ឧសភា សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ដោយធ្វើការឃាត់ខ្លួនជនសង្ស័យម្នាក់ឈ្មោះ ទិត្យ ចន្ទ្រា ហៅម៉ៅ ភេទប្រុស អាយុ១៩ ឆ្នាំ មុខរបរមិនពិតប្រាកដ រស់នៅភូមិបល្ល័ងលើ ឃុំខ្មាចរមាស ស្រុកបវេល ខេត្តបាត់ដំបង បន្ទាប់មកកម្លាំងបានធ្វើការស្រាវជ្រាវ និងឃាត់ខ្លួនជនសង្ស័យចំនួន ០៣ នាក់ទៀត៖

១-ឈ្មោះ កែវ វណ្ណនុច ភេទប្រុស អាយុ ៣៥ ឆ្នាំ មុខរបរមិនពិតប្រាកដ មានទីលំនៅភូមដង្កោទាប សង្កាត់ទួលតាឯក ក្រុងបាត់ដំបង ខេត្តបាត់ដំបង

២-ឈ្មោះ សាន លាភហេង ភេទប្រុស អាយុ ២២ ឆ្នាំ មុខរបរជាងទូរស័ព្ទ រស់នៅភូមិបល្ល័ងលើ ឃុំខ្មាចរមាស ស្រុកបវេល ខេត្តបាត់ដំបង

៣-ឈ្មោះ ហាក់ សុខហេង ហៅចិន ភេទប្រុស អាយុ ២៦ ឆ្នាំ មុខរបរកម្មករសំណង់ ទីលំនៅភូមិដំណាក់ហ្លូង សង្កាត់វត្តគ ក្រុងបាត់ដំបង ខេត្តបាត់ដំបង។

ដកហូតវត្ថុតាងរួមមាន៖

១-ម្សៅក្រាមពណ៌សថ្លា (ម៉ាកទឹកកក) ចំនួន ៤៥ កញ្ចប់ ទម្ងន់ ១៥,៤៨ ក្រាម

២-ទូរស័ព្ទដៃ ០៦ គ្រឿង

៣-កាំបិត ០២

៤-ម៉ូតូ ០១ គ្រឿង និងសម្ភារៈសម្រាប់សេពគ្រឿងញៀនមួយចំនួនទៀត។

ជនសង្ស័យ និងវត្ថុតាងត្រូវបានមន្ត្រីជំនាញ កសាងសំណុំរឿងបញ្ជូនទៅសាលាដំបូងខេត្ត ដើម្បីបន្តតាមនីតិវិធី។