អហ.ដូនពេញ៖ កាលពីថ្ងៃទី២៤ ខែធ្នូ ឆ្នាំ២០១៥ វេលាម៉ោង២១និង១៥នាទី នៅចំណុចផ្លូវលេខ ២៦៤ កែង១៩ សង្កាតចតុមុខ ខណ្ឌដូនពេញ កម្លាំងជំនាញបានឃាត់ខ្លួន ជនសង្ស័យ០២នាក់លើករណីឆក់ទូរស័ព្ទដៃ ។
ហេតុការណ៍ឆក់ទូរស័ព្ទដៃនេះដែរ បានកើតឡើង នៅចំណុចផ្លូវ សុធារសកែងសុរ៉ាម្រិត សង្កាត់ចតុមុខ ខណ្ឌដូនពេញ ។
ជនទាំងពីរដែលឆក់ មានឈ្មោះ ១.ឈ្មោះ សុខ តុលា ហៅអាកាក់ ភេទប្រុស អាយុ២០ឆ្នាំ មុខរបរមិនពិតប្រាកដ ស្នាក់នៅផ្ទះលេខN១០៨ ផ្លូវ៣១០ ភូមិ០៦ ទន្លេបាសាក់ ខណ្ឌចំការមន (ជាអ្នកឆក់)
២.ឈ្មោះ ពេជ្រ វណ្ណនេត ភេទប្រុស អាយុ២៣ឆ្នាំ មុខរបរមិនពិតប្រាកដ ស្នាក់នៅ ភូមិដើមចាន់ សង្កាត់ច្បារអំពៅ២ ខណ្ឌ ច្បារអំពៅ (ជាអ្នកបើកម៉ូតូ) ។
ដោយឡែក ជនរងគ្រោះជាជនបរទេស ភេទស្រី បាត់បង់ទូរស័ព្ទ០១គ្រឿង ម៉ាក iphone5 ហើយយើងមិនអាចទាក់ទងអោយគាត់មកដាក់ពាក្យបណ្តឹងបានទេ ។
វត្ថុតាងដែលចាប់ដកបានម៉ូតូ០១គ្រឿង ម៉ាកSuzuki smash ពណ៏ខ្មៅពាក់ស្លាកលេខភ្នំពេញ 1BN:6837 ។
ក្រោយឃាត់ខ្លួនជនសង្ស័យទាំង០២នាក់បានឆ្លើយសារភាពថាពួកគេពិតជាបានឆក់ទូរស័ព្ទរបស់ជនបរទេសពិតប្រាកដមែន ហើយបានជ្រុះបាត់នៅពេលដែលពួកគេរត់គេចខ្លួនពីការតាមចាប់របស់កំលាំងយើង៕
