បន្ទាយមានជ័យ៖ នៅវេលាម៉ោង ០០ និង ៣០ នាទីថ្ងៃទី២០ ខែវិច្ឆិកា ឆ្នាំ២០១៧ នៅចំណុចក្លិបកំសាន្តឌីស្កូស្តាស៊ីធី ក្នុងបរិវេណកាស៊ីណូ ផ្កាយប្រាំ ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
កម្លាំងកងរាជអាវុធហត្ថខេត្ត បានឃាត់ខ្លួនជនសង្ស័យម្នាក់ឈ្មោះ បែ តូនា(berhtonius) ភេទប្រុស អាយុ២៩ ឆ្នាំ ជនជាតិឥណ្ឌូនេស៊ី ករណីរក្សាទុក ចែកចាយ និងប្រើប្រាស់នូវសារធាតុញៀនដោយខុសច្បាប់ នៅចំណុចក្នុងឌីស្កូ ស្តាស៊ីធីខាងលើ ដោយដកហូតវត្ថុតាងមានគ្រឿងញៀនប្រភេទខេហិតម្សៅពណ៌សចំនួន ០៤ កញ្ចប់
ដោយបានការអនុញ្ញាតពីលោក តេង សាម៉ៃ ព្រះរាជអាជ្ញារងអមសាលាដំបូងខេត្ត កម្លាំងបានឆែកឆេរក្នុងបន្ទប់ជនសង្ស័យ ដោយបានរកឃើញវត្ថុតាងបន្ថែមមាន៖
១-កញ្ឆាមួយកញ្ចប់ធំ និង ០៣ កូនថង់ថ្លា
២-ថង់សថ្លាតូចៗ និងទុយោសំរាប់ប្រើប្រាស់គ្រឿងញៀនមួយចំនួន។
ជនសង្ស័យ និងវត្ថុតាងត្រូវបានកម្លាំងជំនាញកំពុងកសាងសំណុំរឿង ដើម្បីអនុវត្តន៍តាមនីតិវិធី។
